加東 (德福廣場) (Closed)

呢間嘢本身我冇食過，朋友食過話肉骨茶麻麻哋，我抱住一個俾多次機會佢嘅心態，於是呢就入去食。點知本身諗住大頭蝦金邊粉實冇伏，點知上完菜見到成碟只有一堆金邊粉同一隻大頭蝦，仲係一隻剪成開兩條，扮到好似有兩隻蝦咁。至於啲配菜，除咗有金邊粉必備嘅花生粉，同埋一啲蔥、蛋、芽菜，比較稱得上為餸嘅嘢，就只有幾條類似豆乾嘅物體。雖然味道係正常嘅金邊粉，唔難食，不過配料咁少，買成$88 ，超級唔抵食。送嘅配湯係一個冬瓜湯，但係飲落竟然有浸鹹魚定唔知咩嘅奇怪味，好失望。