Video
Read full review
2018-01-08
27 views
試左佢嘅檸檬辣蝦。一上枱，未食，已經比佢外表吸引！蝦頭向入，尾部向出整齊咁排列，蝦與蝦之間夾雜着3-5個青檸角。蝦背已預先被切開兩邊，食起黎好方便呀！細問下先知啲蝦產自越南，叫羅氏蝦，即係我地成日講嘅瀬尿蝦。蝦食落好香口，睇到佢用左蒜，食食下又覺得辣辣地，原來加左紫天椒黎煮。辣味恰到好處，唔會辣到你食唔落，而係少少咁刺激你味蕾。青檸嘅酸帶出蝦嘅鮮，好食到停唔到口，忍唔住食完一隻又一隻呀！不知不覺食完，覺得唔夠喉添！當我同朋友七嘴八舌咁討論每人食左幾多隻蝦嘅時候，店員忍唔住話我地知蝦嘅數量唔係以隻黎計算，而係安重量計算，一煲約有300g的蝦。店員重指住門口嘅魚缸，魚缸有四層。上面兩層係放最新鮮嘅蝦，尋日嘅蝦就放喺下面果層，最下層係用黎過濾嘅。每日就用新鮮嘅蝦造菜。唔怪得啲蝦咁好味令我食唔停口啦～欣賞老闆對品質嘅堅持，令我地食客食得放心！我想介紹返北寄貝，我想講我從來未食過熟嘅北寄貝，真係第一次喺呢一間店度食到。冇諗過原來可以咁鮮味，佢同蜆殻差唔多，不過裏面就有鮮紅色嘅肉，明顯係筆記簿會嘅特徵。肉夠大夠鮮甜，能將湯嘅味道吸取，可口非常。另一道用蝦黎做菜嘅菜式有魯肉鮮蝦湯米。有一隻蝦，配菜有
我想介紹返北寄貝，我想講我從來未食過熟嘅北寄貝，真係第一次喺呢一間店度食到。冇諗過原來可以咁鮮味，佢同蜆殻差唔多，不過裏面就有鮮紅色嘅肉，明顯係筆記簿會嘅特徵。肉夠大夠鮮甜，能將湯嘅味道吸取，可口非常。
另一道用蝦黎做菜嘅菜式有魯肉鮮蝦湯米。有一隻蝦，配菜有兩片醃製黃蘿蔔同幾片莞茜，望落去綠黃橙三色色彩鮮明。米粉夠腍，湯底夠熱，食落肚感覺好實在。
菜叫左羽衣甘藍。其實唔知咩黎，純粹比佢個名吸引，朋友都唔知係咩黎。當我地猶豫緊嗌唔嗌嘅時候，店員話羽衣甘藍多數用黎做沙律，佢地就用黎炒。抱住好奇又鍾意試新野嘅心，決定一試。羽衣甘藍十分翠綠新鮮！入口試到牛油味，問店員係咪用左牛油黎炒，店員話係橄欖油，話用橄欖油健康啲，菜加埋杞子一齊炒，真係想話唔健康都唔得啦。牛油加上蒜黎炒，真係香到冇得再香！
南瓜雪糕產自日本，用上原個南瓜盛載住雪糕，入口試到濃濃嘅牛奶味，食多幾啖就試到南瓜味。我同友人一人一啖，雪糕一入口就即刻再「北」過，個雪糕有幾好味，相信唔使我多講啦～最神奇嘅係食到最後，個雪糕一啲都冇溶嘅跡象！
Post
