Video
Read full review
2007-09-17
2 views
好大風的晚上, 行了過來海邊, 為爸爸慶祝生日. 星期一, 竟然都有不少人客, 看來這裡真係幾旺.環境都幾好, 望著橫風橫雨的維港. 侍應推介套餐, 但係又好像不太對口味, 都係散叫.今次食評係特別綜合我們四人的評分平均而成.蟹粉豆腐$108: 7分, 大家都比較滿意的一味, 一大煲豆腐, 加上蟹粉, 金黃色一片, 份量也不少. 豆腐係好滑, 蟹粉都幾靚.灌湯生煎包$25: 6分, 媽媽的評分係0分. 共有5件(唔係傑志那位), 小弟當然係要食兩件. 叫得做灌湯生煎包, 理所當然以為有好多湯, 唔係點灌? 但係除了小弟那兩件有湯(其實也不多), 其他三件係湯都無滴. 單計小弟吃的, 個外皮係煎得熱辣辣的, 加上入面的湯, 係幾出色的.心太軟$38: 6分, 朱古力心太軟食得多, 中式心太軟就第一次食. 說是頭盤, 其實更像甜品, 紅棗甜甜的, 原來係熱食的, 越食係越覺得過甜, 更加唔會覺得潤. 一碟廿幾粒, 係食極都食唔完.稻草肉荷葉餅$25 x 2: 7分, 名符其實的肥豬肉, 同東坡肉差不多- 肥. 要了兩件分吃, 奇的是只有一件係有稻草(鹹水草). 件肥豬肉又幾好味, 記憶中吃
環境都幾好, 望著橫風橫雨的維港. 侍應推介套餐, 但係又好像不太對口味, 都係散叫.
今次食評係特別綜合我們四人的評分平均而成.
蟹粉豆腐$108: 7分, 大家都比較滿意的一味, 一大煲豆腐, 加上蟹粉, 金黃色一片, 份量也不少. 豆腐係好滑, 蟹粉都幾靚.
灌湯生煎包$25: 6分, 媽媽的評分係0分. 共有5件(唔係傑志那位), 小弟當然係要食兩件. 叫得做灌湯生煎包, 理所當然以為有好多湯, 唔係點灌? 但係除了小弟那兩件有湯(其實也不多), 其他三件係湯都無滴. 單計小弟吃的, 個外皮係煎得熱辣辣的, 加上入面的湯, 係幾出色的.
心太軟$38: 6分, 朱古力心太軟食得多, 中式心太軟就第一次食. 說是頭盤, 其實更像甜品, 紅棗甜甜的, 原來係熱食的, 越食係越覺得過甜, 更加唔會覺得潤. 一碟廿幾粒, 係食極都食唔完.
稻草肉荷葉餅$25 x 2: 7分, 名符其實的肥豬肉, 同東坡肉差不多- 肥. 要了兩件分吃, 奇的是只有一件係有稻草(鹹水草). 件肥豬肉又幾好味, 記憶中吃過很多死實實, 完全咬唔開的東坡肉, 這個稻草肉反而有點淋, 肥肉部份都幾香口, 好入味, 肉質算幾靚. 不過件稻草肉太大舊, 點都塞唔入件荷葉餅到. 唔通咬開件稻草肉先?
招牌小籠包$25: 6分, 叫得招牌, 但係大家都係麻麻滿意. 小籠包個皮比較厚, 入面無乜湯汁.
干燒明蝦$38 x 2: 6分, 這個比較極端, 爸爸給的分數係9分, 媽媽給的分數係0分. 蝦明顯不夠新鮮, 只靠大量醬汁去掩飾. 不過個汁又幾受爸爸歡迎, 小弟只覺得辣, 受不了, 食了兩口後都係留給文迪好了.
砂鍋雲吞雞半份$110: 7分, 這味就輪到文的不太欣賞. 雖然係半份, 但都有十粒雲吞, 一大煲湯, 飲極都有, 人不多, 千奇唔好叫全份, 無可能吃得完. 個湯幾鮮甜, 但感覺上係濃烈了點, 或許想要清一點都係唔好食滬菜了.
繽紛三色$88: 4分, 本來大家已經好飽, 但係小弟見一場來到, 又想試埋個酥. 本來預訂的話就可以散叫, 沒有預訂就要叫成個繽紛三色. 三樣甜品, 花生酥, 合桃酥, 蝴蝶卷, 每樣五件, 份量係相當大. 最大問題係唔係即整. 基本上一叫就有得食. 翻叮之作. 熱就夠熱, 但唔係炸熱, 係叮熱. 兩樣酥已經唔再脆了. 花生酥仲有好香花生味, 合桃酥就唔重合桃味.
我們四人對這八樣菜色的平均評分係7分, 3分, 8分同6分. 其實食評都係好主觀的, 大家又可以對同一樣的菜色又完全不一樣的感受. 整體來講, 小弟係滿意的. 不過, 唔知幾時先可以再讓媽媽吃到滿意的一餐?
Post
