銘興山西刀削麵 (民泰街)

Open Now

Now Closed

話說有位朋友住喺紅磡之前同佢食開都係一間茶記，早排發現原來附近有間刀削麵好似都唔錯，今日就一於去試吓🤗荔枝啵啵蝦球🦐真係色香味俱全，外表睇落去係荔枝，但係實質內有乾坤入邊其實係蝦滑整成嘅蝦球，蝦球味鮮爽彈，再加上有脆粒粒喺成個蝦球外邊增加口感，啤酒或者飲品搭配都非常適合🤤包漿小豆腐🥢外脆內嫩，咬落去好香豆味，而且外面夠脆口內裡豆腐依然好嫩滑保持軟彈口感，加埋灑係面嘅椒鹽，味道更加豐富，簡直係開胃小食之選😋擔擔醬湯底刀削麵配香炸雞翼🐓🍜呢個組合真係好正！擔擔醬有花生香味，豐富咗湯底嘅味道層次，而刀削麵吸收咗湯底嘅味道，食落去滿滿嘅幸福感。香炸雞翼外脆內嫩，即叫即炸夠晒新鮮熱辣，仲有四隻咁多，又抵又正🤤口水雞刀削麵🐓🍜刀削麵手工製作，麵質彈牙又軟滑，配上香辣嘅口水雞，令人食到停唔到口。雞肉味道鮮美，而且份量仲超多！簡直係平靚正🙌🏻呢間刀削麵真係CP值好高，價錢親民得來又好食，唔怪之得食咁耐都見到人流絡繹不絕，下次去開紅磡大家可以試吓🙌🏻🤑 人均消費：～$111🤩 推薦指數：8 / 10📍 餐廳資料：銘興山西刀削麵 (民泰街) (紅磡)紅磡民泰街2-32號地舖☆.。.:*・°☆.。.:*・°