Video
Read full review
2009-05-14
270 views
4月11日, 為慶祝復活節 (其實係為食…) 又因為太肚餓又想食大, 就去咗屋企附近的巴西燒烤的BBQ Lunch, $58位~ 對著維園泳池開揚景觀食午餐, 感覺真寫意!::: BBQ燒物類 :::先講主打嘅燒烤類, lunch同dinner嘅款式大致相同, 而且選擇頗多. 排名不分先後,有燒鴨胸, 燒雞扒, 燒雞翼, ,火雞腎, 燒牛肉, 司華力腸, 燒豬肋骨, 燒魷魚筒, 雞脾菇, 茄子同燒菠蘿. 大部份都以蜜糖調味, 又可點燒汁或黑椒汁, 整體質素都不錯~當中燒鴨胸, 嫩滑多汁, 好好味! 豬肋骨都好好味, 又香又甜~ 司華力腸同雞脾菇都好味. 燒雞翼好大隻, 雞肉夠嫩, 不過雞皮唔脆, 爭d~ 燒牛肉太生, 紅到出血水! 魷魚筒我地第一次見, 個味ok, 但有d韌. 茄子同燒菠蘿今次就一般.最失望係冇粟米!!! 竟然冇晒~~~!! 哼.::: 沙律 + 熱盤:::沙律款式都係咁上下, 不過放到出晒水… 不吃也罷. 可幸d菜都幾新鮮, ok啦!其他熱盤仲有10幾款~ 有菜呀魚香茄子呀咖哩炒飯炒粉個d. 仲有燉牛肉, 牛尾, 燒雞, 火腿扒, 蜜汁排骨等等呢d滿足無食BBQ b
::: BBQ燒物類 :::
先講主打嘅燒烤類, lunch同dinner嘅款式大致相同, 而且選擇頗多. 排名不分先後,有燒鴨胸, 燒雞扒, 燒雞翼, ,火雞腎, 燒牛肉, 司華力腸, 燒豬肋骨, 燒魷魚筒, 雞脾菇, 茄子同燒菠蘿. 大部份都以蜜糖調味, 又可點燒汁或黑椒汁, 整體質素都不錯~
當中燒鴨胸, 嫩滑多汁, 好好味! 豬肋骨都好好味, 又香又甜~ 司華力腸同雞脾菇都好味. 燒雞翼好大隻, 雞肉夠嫩, 不過雞皮唔脆, 爭d~ 燒牛肉太生, 紅到出血水! 魷魚筒我地第一次見, 個味ok, 但有d韌. 茄子同燒菠蘿今次就一般.
最失望係冇粟米!!! 竟然冇晒~~~!! 哼.
::: 沙律 + 熱盤:::
沙律款式都係咁上下, 不過放到出晒水… 不吃也罷. 可幸d菜都幾新鮮, ok啦!
其他熱盤仲有10幾款~ 有菜呀魚香茄子呀咖哩炒飯炒粉個d. 仲有燉牛肉, 牛尾, 燒雞, 火腿扒, 蜜汁排骨等等呢d滿足無食BBQ buffet嘅食肉獸. 不得不提令我印象深刻嘅肉醬鏍絲粉, 真係好好味呀~ 好味到我食咗3 round! 熱盤嚟講算係進步咗好多!
::: 甜品 :::
仍然未敢再試巴西燒烤嘅擦膠味甜品~除咗cake仲有生果, 布甸, jelly, 糖水等甜食.不過我地食到3點幾都已經冇晒大部份甜品又冇refill, 真係想食都冇得你食!
值得一提嘅雪糕~ 有4隻味, 但4隻味都幾新, 同埋應該不時會轉味. 因為我見到有好多廂唔同味嘅雪糕, 有雲呢拿, 朱古力, 綠茶, 咖啡, 紅豆, 芝麻, 曲奇, 香竽等等. 不過我地食時已經冇晒朱古力, 唯有食下紅豆, 芝麻, 曲奇啦!
簡單嚟講, 食物種類同Dinner差唔多, 但Lunch Buffet係$100都唔洗, 每人送一杯飲品, 真係好抵食! 不過維園人流少d, 所以食物refill都少d, 而且大部份o靚仔waiter服務都只係ok, 叫佢開盒雪糕都唔肯, 呢d就要改啦!!
Post
