鳴橋燒肉料理 (Closed)

對上一次食放題，都唔太記得係幾時嚕～ 是日打算去旺角小米睇下，路過砵蘭街，見到lee間好似新開唔係好耐嘅放題，揭一揭餐牌，又好似幾好啵～ 忽然撩起我舖癮😂 忍唔住行咗入去。餐廳不算很大，但具日本風情。餐桌分兩邊，座位都頗舒適。太耐冇食放題啦，一坐低即刻劃嘢✌🏻種類與市面的相若。😂對面嘅小朋友食得好爽好盡興嘅款，仲好食得～放題當然少不了刺身啦～ 甜蝦，帶子，北寄貝，🦑，鮑片，大蝦，秋刀魚，應有盡有，鮮甜可口，性價比高啊！肉類第一round，基本上都order咗一轉。牛肋肉絕對不能錯過～ 食羊嘅朋友，可以試下羊架，但略嫌黑椒醃得不均勻😅食放題，就算再抵食，都要量力而為，食幾多order幾多，千奇咪做大shai鬼啊 🤪天婦羅等炸物也值得一讚，炸粉頗薄，隔油做得還可以。甜🍠眞係好甜！戒緊澱粉質嘅我都忍唔住encore🤦🏻‍♀️中華沙律同螺肉，最啱中場休息食，味道不過不失。Last order啦～ 😂 估唔到腸仔都係encore list之上呢！不得不提，雞翼係單骨雞翼，女士福音啊～ 食埋嗰甜品，為滿足嘅放題劃上完美句號。