Video
Read full review
2008-12-11
52 views
今日終於可以一個食晏喇...嘩, 仲唔食下自己想食既野...哈哈..放飯喇..我一個人由中環甲級寫字樓搭11號去到呢間食家推薦既蛇店...其實都幾遠下, 仲要第一次去咁遠, 又唔識路喎...繞左一個圈, 終於搵倒蛇王林喇...原來佢一d都唔難搵, 係我唔識路遮..哈..入到去見倒一個伯伯係度舞蛇, 原來佢岩岩係度劏蛇 "手羅" 蛇膽, 仲有人影相忝呀...勁! 見倒條活生生既蛇, 都有d驚. 當伯伯表演完後, 我聽倒有2個客人買蛇膽, 話對身體好喎...鍾意食蛇既我首先叫碗蛇羹(唔係魚翅) "long" 下口先,...薄脆同檸檬草係另外搵個碗仔上...薄脆好新鮮, 有香味..似係今朝炸, 唔同一般蛇店果d無乜味既...到主角蛇羹喇, 個羹唔太稀, 唔太杰, 岩岩好, 正如食家之前講過,真係幾難搵倒雞絲喎...d蛇肉有d鮮味, 係同出面一般蛇店唔同既, 所以佢都唔係好平架, 一碗$35蚊...食完一碗後, 未夠喉, 再同店子既女人(唔知係咪老板娘呢?) 講要多碗, 佢即刻笑笑口叫廚房拎多碗出黎..當我三扒兩勃吞噬完第2碗之後到櫃檯埋單時, 我同店子既女人講話我特登黎食, d蛇肉有鮮味,
放飯喇..我一個人由中環甲級寫字樓搭11號去到呢間食家推薦既蛇店...
其實都幾遠下, 仲要第一次去咁遠, 又唔識路喎...繞左一個圈, 終於搵倒蛇王林喇...原來佢一d都唔難搵, 係我唔識路遮..哈..
入到去見倒一個伯伯係度舞蛇, 原來佢岩岩係度劏蛇 "手羅" 蛇膽, 仲有人影相忝呀...勁! 見倒條活生生既蛇, 都有d驚. 當伯伯表演完後, 我聽倒有2個客人買蛇膽, 話對身體好喎...
鍾意食蛇既我首先叫碗蛇羹(唔係魚翅) "long" 下口先,...薄脆同檸檬草係另外搵個碗仔上...薄脆好新鮮, 有香味..似係今朝炸, 唔同一般蛇店果d無乜味既...
到主角蛇羹喇, 個羹唔太稀, 唔太杰, 岩岩好, 正如食家之前講過,真係幾難搵倒雞絲喎...d蛇肉有d鮮味, 係同出面一般蛇店唔同既, 所以佢都唔係好平架, 一碗$35蚊...
食完一碗後, 未夠喉, 再同店子既女人(唔知係咪老板娘呢?) 講要多碗, 佢即刻笑笑口叫廚房拎多碗出黎..當我三扒兩勃吞噬完第2碗之後到櫃檯埋單時, 我同店子既女人講話我特登黎食, d蛇肉有鮮味, 點知舞蛇伯伯即刻話店子係用新鮮蛇, 同其他店子唔同....我答佢 其他蛇店既蛇羹多雞絲, 甚至有d用豬肉絲, 豬肉會搶味...
最後,伯伯仲叫我介紹d朋友去食..我話好...伯伯係度笑(應該幾開心),
我心諗都無乜人好似我咁會一次過食2碗...果然係大(量)食蛇呀...哈哈...
Post