Video
Read full review
2014-08-08
1450 views
呢個FRIDAY既晚上, 我相約左一位認識左17年既好朋友黎到the green lounge, 準備使用之前買落既groupon! 而呢度有一項特別服務, 就係枱底傳心聲喇! 呢度既枱玻璃面下有個~7-8CM厚既位置, 入面已經有D裝飾物, 好似玩具車仔, 花... 重點係可以砌D句子黎比個驚喜對方! 我係訂枱個時已經講定左我想要咩字"Best Friend for 17 Years", 一坐低個時因為有2張餐墊係枱面, 所以我只可以偷望下有無字, 而店員可能見到我呢個行為先問我book左姓咩, 然後先print左張紙放入另一張枱, 再叫我地調過去... 有d失望係得張白紙印句句子出黎, 而唔係一粒粒砌個隻... 所以連相都無影到 講返餐飯先, groupon包一個餐湯, 一份沙律, 一個主菜及14款甜品任點~ 可以係當晚既餐單揀2個主菜, 見到餐牌上面既價錢幾乎嚇親我以為無得用groupon 點左餐之後就有麵包籃喇~ 入面有個牛角包, 提子鬆餅, 同2塊脆卜卜既多士, 麵包整得中規中矩, 提子鬆餅就特別鬆軟, 但全部都幾好食! 今晚既餐湯綠綠地, 我諗都
我係訂枱個時已經講定左我想要咩字"Best Friend for 17 Years", 一坐低個時因為有2張餐墊係枱面, 所以我只可以偷望下有無字, 而店員可能見到我呢個行為先問我book左姓咩, 然後先print左張紙放入另一張枱, 再叫我地調過去... 有d失望係得張白紙印句句子出黎, 而唔係一粒粒砌個隻... 所以連相都無影到
講返餐飯先, groupon包一個餐湯, 一份沙律, 一個主菜及14款甜品任點~ 可以係當晚既餐單揀2個主菜, 見到餐牌上面既價錢幾乎嚇親我以為無得用groupon
點左餐之後就有麵包籃喇~ 入面有個牛角包, 提子鬆餅, 同2塊脆卜卜既多士, 麵包整得中規中矩, 提子鬆餅就特別鬆軟, 但全部都幾好食!
今晚既餐湯綠綠地, 我諗都係蔬菜湯... 不過飲到有d粉狀既粒粒, 口感有d感, 似係即溶粉沖出黎咁, 麻麻地...
2款前菜每樣要左一個: 巴馬火腿件蜜瓜及紅菜頭蘋果健康沙律, 黎到個時諗點解唔叫2個巴馬火腿, 好似抵D嘛 雖然紅菜頭健康D, 不過我地覺得個汁太濃, 令到沙律失左新鮮感, 不過紅菜頭好爽口! 巴馬火腿就幾岩香港人口味, 唔會太咸, 我係想個蜜瓜再甜D就好XD
我點既主菜出場lu! 香煎三文魚扒伴波菜薯蓉, 賣相好吸引! 可以見到塊三文魚排都幾大, 而且煎到皮好香脆, 切落去仲有D魚油流出黎但完全唔膩, 而且煎得岩岩好魚肉好鬆化! 下面既薯蓉整得好滑好細緻, 完全無一粒粒薯仔, 帶有少許波菜香味, 不過食得多都有D濟 旁邊既黑色醬甜甜地既, 用黎配薯蓉都幾好味~~
另一碟就係大蝦蒜片天使麵, 有2隻蝦大大隻扒係天使麵上面, 好引誘人 個天使麵比較乾身, 不過好彈牙煙韌, 口感不錯! 蝦已經一開二所以好易就食到蝦肉, 不過無咩鮮味, 質地一般... 朋友覺得個麵幾辣下, 不過我又覺得只係少少, 仲幾過癮~ 之後就係甜品時間!!! 換個menu繼續戰鬥! 都有成4款心太軟, 窩夫, 沙冰... 就係唔揀得梳乎厘, 想食都可以不過要正價 唔緊要! 一於食晒其他啦!
心太軟我地前前後後都叫晒呀! 唯一可惜係佢整唔到朋友好想試既士多啤梨心太軟... 不過呢度既心太軟都整得唔錯喎! 切開真係會流出黎汁(除左朱古力焗爆左...), 而且伴碟設計簡約, 可以突顯到心太軟同雪糕既關係~ 我覺得蛋糕可以再焗脆D, 唔洗流晒D汁出黎就塌左XD 不過都幾鬆軟算唔錯!綠茶香得黎帶有少許澀味, 唔會好漏所以食極都唔嫌 朱古力對我黎講太甜, 淺嘗即可... 最尾個冧酒幾有驚喜喎! 食完仲有酒既回甘, 成口都係bailey味, 仲有少少醉
食唔到士多啤梨心太軟, 唯有食窩夫! 呢度既窩夫焗得麻麻, 唔夠蛋味又略欠香脆鬆軟, 如果可以多d士多啤梨就好!
睇相以為冰沙係綿綿冰, 點知係杯飲品! 呢杯冰沙重奶味, 無咩士多啤梨味, 相比其他甜品就有d失色...其實呢間餐廳都唔錯, 不過如果係要比正價食set就未必揀呢度喇~ 但如果想比驚喜對方就可以考慮下呢度心聲服務!
Other Info. :
黎之前已經知道唔少人話侍應態度有問題, 而當晚我地都感受到有一位侍應態度真係麻麻地...落order個時又一句斷言話無晒喇, last order左... 但同時亦有另外2位係非常殷切, 所以平衝下仍然係可以接受...
(The above review is the personal opinion of a user which does not represent OpenRice's point of view.)
Post
