和味煮意

Open Now

Now Closed

今晚同朋友嚟到荃灣搵食，見到有個大魚大肉兩小時任食放題，價錢唔算貴，感覺可以一試。首先喺雞煲、烤魚同酸菜魚三個之中先揀一個煲底，我就揀咗原條烤魚（麻辣湯底-小辣,青江魚），條魚冇細骨，好大條，啲魚肉嫩滑，而且得一條正骨（炸過），十分之香口！烤魚底亦都有大量芽菜寬粉，吸晒烤魚嘅精華。我個人食唔停，好推薦！呢個套餐有跟精選牛肉和海鮮拼盤各一，兩樣都好有誠意，海鮮來講新鮮，而且每樣嘅size都好大，啲蝦同我個拳頭差唔多大，一上菜係好驚喜，另外牛肉雖然唔係話好多片，但係啲牛肉質素好靚，重牛味又軟淋👍🏻👍🏻朋友就最欣賞呢個牛肉拼盤基本上我同朋友食完個烤魚同埋套餐附送嘅拼盤，其實都已經飽咗九成，但係其實出面有一個自助火鍋料區，可以任拎幾十款食材，最後我哋喺出面攞多少少蔬菜，成餐已經好滿足。除咗食品之外，佢嘅飲品一樣令我覺得好歡樂，一上枱嘅時候完全冇諗過飲品可以大杯到咁，隻手好似變咗小朋友咁，好好笑😆😆呢間餐廳成晚生意都好好，味道唔差，性價比高，而且店員亦都好好禮貌，成晚都食得開心舒服😌下次再嚟荃灣一定再試下佢雞煲、酸菜魚同其他嘅嘢食