Big Fish Seafood and Grill

Open Now

Now Closed

五一勞動節同一班好友行馬鞍山郊遊徑鬆下腰骨，直落西貢晚飯。行左一圈Bid Fish個menu 好似最吸引又唔駛等位，我們一行6人就決定今晚呢度開餐喇！第一味 - 藍青口 用白酒同香草蒜粒，雖然藍青口唔大隻，但勝在調味不錯同新鮮，配上脆卜卜蒜蓉包加分不少第二味 - 白酒蛤蜊義大利麵 其實調味同 第一味差不多，加上少少辣更加惹味第三味 - 牛里脊肉 由於同枱朋友不好血腥，只好要求medium well, 好在廚師控制不錯，沒有出現過老同有血水情況，以二百幾蚊呢個價位真心有不錯~~第四味 - 德國烤豬手 不過不失 反而薯條炸得好好味最後一味 - 招牌炸魚薯條 可以唔叫，留返個胃食另一味。薯條就好好，舊魚就粉漿搞到成道菜都唔好食。