Video
Read full review
2015-08-21
2081 views
對於荃灣眾安街大鴻輝中心，我實在是又愛又恨！愛，當然是喜歡那裡有眾多食肆選擇，恨，也因為太多食肆，排隊坐勁嘥時間。不過，總括來說，在大鴻輝「搵食」，始終是我和朋友的首選，尤其是勁喜歡食雞煲的男友，食完雞煲還可以打邊爐，比齋打邊爐又多一重風味。大鴻輝中心內主打雞煲和打邊爐的都有好多間，但講抵食，我想唔會有邊間抵得過8樓至尊重慶雞煲，因為食雞煲+打邊爐之外，仲有無限頭盤，任食，每位都係百零蚊，兼冇加一，汽水啤酒任飲兩個鐘，非繁忙時段仲平些，唔係抵到冇朋友，應該係抵到約齊朋友！至尊主打重慶麻辣雞煲，因為入座即煮，人客點都要等等。人客一多，又需要多啲時間，所以至尊有張小食吧枱，放了很多不同風味的小食，有辣有唔辣，有酸有鹹。其中，我發現有一味關東煮珍寶冬菇，超大隻，但最難得的是，隻菇超好味，好有冬菇味。如今好少食到有菇味的冬菇了，仲要咁大隻！不過，事先提提你，好食還好食，最好「些牙」，唔係一隻菇食飽了，食唔落其他野唔好怪人，任食喎！雞煲出場了，一貫濃味啦，隻雞都算有雞味，算唔錯了。食完雞煲，梗係要點花膠同水魷索埋啲汁啦，尤其是花膠養顏有益，唔食唔抵。其實我唔食得好多，反而男友狂食肥牛和黑豚腩片
大鴻輝中心內主打雞煲和打邊爐的都有好多間，但講抵食，我想唔會有邊間抵得過8樓至尊重慶雞煲，因為食雞煲+打邊爐之外，仲有無限頭盤，任食，每位都係百零蚊，兼冇加一，汽水啤酒任飲兩個鐘，非繁忙時段仲平些，唔係抵到冇朋友，應該係抵到約齊朋友！
至尊主打重慶麻辣雞煲，因為入座即煮，人客點都要等等。人客一多，又需要多啲時間，所以至尊有張小食吧枱，放了很多不同風味的小食，有辣有唔辣，有酸有鹹。其中，我發現有一味關東煮珍寶冬菇，超大隻，但最難得的是，隻菇超好味，好有冬菇味。如今好少食到有菇味的冬菇了，仲要咁大隻！不過，事先提提你，好食還好食，最好「些牙」，唔係一隻菇食飽了，食唔落其他野唔好怪人，任食喎！
雞煲出場了，一貫濃味啦，隻雞都算有雞味，算唔錯了。食完雞煲，梗係要點花膠同水魷索埋啲汁啦，尤其是花膠養顏有益，唔食唔抵。其實我唔食得好多，反而男友狂食肥牛和黑豚腩片，不知幾滋味。我check一下那張任點任食的火煱料清單，都好齊料，成七十樣，全部試下實在冇可能，而且我仲搵到驚喜亮點，一定要留留肚。
令我驚喜者，就是小食吧枱旁邊的甜品吧。是晚所見，甜品種類約有十種，除大路的雪糕，其餘均是酒店式甜品。我點了香蕉pan cake，最意外的是即叫即造(滿記、松記都唔得啦)，士多啤梨或朱古力醬任選，還灑上脆脆粟米片，增加味蕾刺激，實在是驚喜中的驚喜！由於是一人一份甜品，我捨肉取甜，故食埋男友的quota，一於再來一份香橙奶凍。奶凍又滑又香，吃得滿咀香甜，全無欺場，難忘！
嚐過的兩款甜品果然是酒店自助餐水準，食得我特別滿足，可惜險些破壞了keep fit大計，回家必須最少做一個鐘運動還甜品債。故提提去大鴻輝至尊重慶雞煲的女士們，切記甜品雖有驚喜，但這是極之危險的事，要有心理準備才好。結賬時，還聽侍應說就快有五送一的優惠，如此抵食，怎可不速速「些牙」！
Other Info. :
好似仲有五送一優惠，咁就仲抵食喇！
(The above review is the personal opinion of a user which does not represent OpenRice's point of view.)
Post