極品靚鍋 (Closed)

好耐無來大鴻輝覓食啦, 以前一想打邊爐都會過來依棟大廈試新店.. 今次試6樓嘅極品靚鍋，時間尚早餐廳唔算多人, 地方寬敞唔會煙霧彌漫, 好正就算叫到成枱都係都唔會逼迫點左B餐，本身附帶湯底都有不少選擇, 同朋友想加個特選湯底~極品花膠雞煲趐湯底($50)岀去自助完醬汁後，先飲左一碗湯幾濃郁，餐前小食秋葵同泰式鳳爪正常野 ！而套餐b免費供應嘅牛肉樣樣都試左, 每碟份量唔多但任食怕咩喎 😋最欣賞係每份牛都附有紙條提醒煮嘅時間同標簽牛名稱。以放題牛質素絕對對得住價錢，封門柳肉味濃，而肥牛油花都好靚，食多幾轉已經值回票價。其他海鮮丸物都係以入座人數上碟份量唔會造成浪費，依點超讚 😚 大部分材料都免費供應，試左佢嘅蝦蜆，蝦大隻又爽口彈牙，由於我都飽無再試其它, 小胃王去食任食真係有點吃虧😂😂飲品蔬菜雪糕都係岀雪櫃任拎, 平時怕糖份高都好少飲紙包飲品或罐裝汽水，比我見到店自家泡的冷茶超開心，似乎比較健康, 飲多幾支都唔怕。而蔬菜款式都多樣,菜控肯定多選擇！