Video
Read full review
2022-12-30
198 views
那個地址: 大角咀埃華街116-118號地下8A號舖#yauyau_大角咀平時行過大角咀都有幾台喺度等緊，今次可能因為落雨佢門口條龍終於冇咗啦，跟住就入咗去食。大角咀太多好嘢等我哋發掘。🍤🍤台南蝦卷便當 $58佢哋蝦卷類似有啲泰國炸蝦餅嘅感覺，但係呢佢係比較淋，唔脆。但係裏面係勁重蝦味，再加埋佢個海苔粉簡直係將成個海洋呈現喺你面前。佢仲有其他配菜例如粉絲豆乾粟米白菜，佢啲配菜好啱送飯全部都有調味，味道偏甜，尤其係粟米係成個飯上面有畫龍點睛效果，令個白飯好香口。🍖🍖那個滷排骨便當 $66成塊排骨有塊面咁大，滷水汁整得非常之香，喺台灣好地道嘅滷水汁味道，但係唔鍾意肥膩嘢嘅朋友可能要先篤一篤佢，搵佢舊肥膏出嚟，如果唔係就好容易食埋落肚。我覺得佢香脆同埋滷水入味嘅地方就係嗰個肥膏， 大家就算唔鍾意都好都可以試細啖。🍘🍘三星蔥餡餅 跟餐+$12呢個係一個台式嘅小籠包，裏面嘅蔥非常之香口，一啲草青味都冇而且仲有好濃郁嘅湯汁係個包裏面，我覺得會比香港酒樓嘅小籠包更加出色，因為佢可以平衡到湯汁同埋肥豬肉嘅比例。就算係炸都唔會太過油膩。🥬🥒黑蕎麥沙律菜 跟餐+$12呢份嘢都幾抵食，上面有唔少沙律醋，大家
地址: 大角咀埃華街116-118號地下8A號舖
#yauyau_大角咀
平時行過大角咀都有幾台喺度等緊，今次可能因為落雨佢門口條龍終於冇咗啦，跟住就入咗去食。大角咀太多好嘢等我哋發掘。
🍤🍤台南蝦卷便當 $58
佢哋蝦卷類似有啲泰國炸蝦餅嘅感覺，但係呢佢係比較淋，唔脆。但係裏面係勁重蝦味，再加埋佢個海苔粉簡直係將成個海洋呈現喺你面前。佢仲有其他配菜例如粉絲豆乾粟米白菜，佢啲配菜好啱送飯全部都有調味，味道偏甜，尤其係粟米係成個飯上面有畫龍點睛效果，令個白飯好香口。
🍖🍖那個滷排骨便當 $66
成塊排骨有塊面咁大，滷水汁整得非常之香，喺台灣好地道嘅滷水汁味道，但係唔鍾意肥膩嘢嘅朋友可能要先篤一篤佢，搵佢舊肥膏出嚟，如果唔係就好容易食埋落肚。我覺得佢香脆同埋滷水入味嘅地方就係嗰個肥膏， 大家就算唔鍾意都好都可以試細啖。
🍘🍘三星蔥餡餅 跟餐+$12
呢個係一個台式嘅小籠包，裏面嘅蔥非常之香口，一啲草青味都冇而且仲有好濃郁嘅湯汁係個包裏面，我覺得會比香港酒樓嘅小籠包更加出色，因為佢可以平衡到湯汁同埋肥豬肉嘅比例。就算係炸都唔會太過油膩。
🥬🥒黑蕎麥沙律菜 跟餐+$12
呢份嘢都幾抵食，上面有唔少沙律醋，大家食咁重口味，要食返幾條菜啊。啲菜好新鮮唔會話有浸咩草青味咁。
🧋🧋古早味紅茶 跟餐free
茶底非常濃郁，就算走糖，佢杯茶完全冇苦澀味，值得飲。
🧃🧃鳳梨古早味紅茶 跟餐+$12
呢杯因為冇走糖所以有啲甜，但係嗰個鳳梨汁好出，同金鑽鳳梨冇分別咁濟。
成間餐廳嘅飯餸同埋飲品小食都非常之高質，都好容易理解點解佢成日都可以大排長龍，又抵食地方又乾淨。
味道: 4.6/5
服務: 3.8/5
環境: 3.8/5
番兜: 4.5/5
#大角咀美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #大角咀台灣菜 #台灣菜 #那個
Post
