三才魚蛋粉麵

Open Now

Now Closed

幫襯咗三才喺將軍澳新都城二期嘅老店已有十年，老板娘自家打嘅魚蛋，同埋佢親手開油鑊炸嘅炸魚片、炸片頭、墨魚蝦條、炸魚皮，喺區內已經係贏盡口碑（我自己就最鍾意食佢嘅炸魚片，可以買一整舊金磚咁嘅炸魚片，攞喺手咬，直頭係大滿足），最近佢哋終於進軍租金高昂嘅老銅，實在係藝高人膽大。呢晚帶埋仔女去新店幫襯，仔女分別食咗腩河同魚蛋魚片河（唔記得影相），我自己則嗌咗西洋菜餃河，再加炸魚皮同一碗魚皮餃米線同仔女share，樣樣都保持老店水準，因為大部份食品都係老板娘喺老店親手泡製新鮮運貨過來呢間由太子女打骰嘅新舖。新舖位處渣甸坊女人街，某程度畀小販檔遮檔，但唔算難搵，以後禮拜日晏晝又多個平靚正嘅選擇。