天吉屋 (Closed)

同朋友行完朗豪坊，正當想搵餐廳食，剛好行到11樓，見到間天吉屋,朋友喜歡食天婦羅，所以就揀咗呢間食！餐廳裝潢簡潔，富有日本風味。入座後先送上椰菜絲及秘製柚子沙律汁，口感爽脆又清新。天幕御膳，飯與天婦羅分開上，天婦羅有黑虎蝦、石斑魚配紫蘇葉、軟殼蟹、洋和魷魚炸物、茄子、南瓜、炸紫菜、四季豆。份量十足，每樣食材的炸漿都好薄身，炸物不會油膩，外層香脆有口感。黑虎蝦彈牙鮮甜，用雙煆炸法，令口感更勝一籌。天幕御膳備有三種創意食法，我揀咗第二種天丼食法，先將部份天婦羅放於米飯上，再均勻淋上秘製天丼醬汁品嚐！飯是用日本七星米，每顆米粒大而晶瑩剔透，煮出來的米飯粘性低，飯味甜香撲鼻、口感極佳！軟殼蟹丼，食材滿瀉，份量十足！有軟殼蟹、皇帝菜和樱花蝦炸物、茄子、南瓜、溫泉蛋。呢款係港店限定的，軟殼蟹選用厚肉的越南軟殼蟹，蟹肉啖啖鮮甜不油膩。天婦羅溫泉蛋，流心爆漿！再配合秘製天丼醬汁，保證會一試難忘﹗