Video
Read full review
2020-09-19
1344 views
中環主打健康飲品的Munchies最近係隔幾條街開分店，除左繼續賣低卡飲品之外，仲新出左幾款邪惡食品，揀天使定魔鬼好？我全部都要！🍴CHICKEN SANDO (SHIT THE BED) COMBO HK$98炸雞漢堡套餐包埋薯格同飲品，係中環區有番咁上下質素ge漢堡之中算幾抵。共有六種獨特風味，第一次試，覺得炸雞配辣醬最穩陣，於是揀左SHIT THE BED香辣味，嗜辣之人應該唔會覺得好辣，辣度平均且持久，唔係死辣，相當惹味。麵包煎香過，好鬆軟。炸雞用左雞髀肉，嫩滑多汁，脆皮極之香脆，唔會太厚成口粉，亦唔會太油膩。麵包本身都算大，點知塊雞仲大過塊包，食完個包都飽飽地。薯格脆到好似薯片咁，呢度d炸野確係有一手。🍴CHICKEN WINGS (TRUFFLE MAYO) HK$25炸雞翼同樣外脆內嫩，唔想又係辣，所以揀左黑松露蛋黃醬，黑松露味唔會太搶，平衡得唔錯。🍴GOOSEBERRY MARIGOLD FIZZY WATER食完肥野要飲d瘦野扮下野，又想飲有汽飲品爽下，於是揀左呢杯只有60卡路里ge金菊龍珠果氣泡水，用冷壓技術將新鮮金菊龍珠果濃縮成果糖漿，由加州飛黎香港，香港少見。龍
中環主打健康飲品的Munchies最近係隔幾條街開分店，除左繼續賣低卡飲品之外，仲新出左幾款邪惡食品，揀天使定魔鬼好？我全部都要！
🍴CHICKEN SANDO (SHIT THE BED) COMBO HK$98
炸雞漢堡套餐包埋薯格同飲品，係中環區有番咁上下質素ge漢堡之中算幾抵。共有六種獨特風味，第一次試，覺得炸雞配辣醬最穩陣，於是揀左SHIT THE BED香辣味，嗜辣之人應該唔會覺得好辣，辣度平均且持久，唔係死辣，相當惹味。麵包煎香過，好鬆軟。炸雞用左雞髀肉，嫩滑多汁，脆皮極之香脆，唔會太厚成口粉，亦唔會太油膩。麵包本身都算大，點知塊雞仲大過塊包，食完個包都飽飽地。薯格脆到好似薯片咁，呢度d炸野確係有一手。
🍴CHICKEN WINGS (TRUFFLE MAYO) HK$25
炸雞翼同樣外脆內嫩，唔想又係辣，所以揀左黑松露蛋黃醬，黑松露味唔會太搶，平衡得唔錯。
🍴GOOSEBERRY MARIGOLD FIZZY WATER食完肥野要飲d瘦野扮下野，又想飲有汽飲品爽下，於是揀左呢杯只有60卡路里ge金菊龍珠果氣泡水，用冷壓技術將新鮮金菊龍珠果濃縮成果糖漿，由加州飛黎香港，香港少見。龍珠果酸酸甜甜，帶柑橘味，又有d似芒果，甜味好自然，而氣泡水有別於梳打水，成份只係純水加氣泡，無落其他礦物質，唔會太影響果糖漿味道，飲落好清新，又唔似汽水咁黏喉。
📍Munchies
中環結志街39-49號新中環大廈地下G號舖
Post
