天台BBQ燒烤場 (Closed)

有朋友生日，所以一行十人來到這裡搞生日party, 地點係市區，比較方便，但地點幾吊腳，我地要係太子MTR 行十分鐘過來，呢到要行樓梯先上到黎。服務方面相當周到，呢度真係要讚一讚，正當我們一行幾個人在必發道找這個燒烤場的時候，有個職員行過，主動問我們是不是找燒烤場，然後帶我們到這裡，非常細心。呢度天台可以BBQ，下一層可以卡啦OK。環境方面，天台的BBQ 場真係麻麻地，反而卡啦OK 的地方幾好。天台BBQ場比較細，坐得唔舒服，不過地方都算乾淨，有水喉洗手，對於我黎講呢樣好重要。食物方面都好多嘢可以燒，都好新鮮，有多春魚、雞翼、蒜蓉包、雞腎、香腸、雞扒、牛朳、秋刀魚。本人覺得雞朳最好味，一來大小適中，唔會太大塊，所以比較容易燒熟，二來肉質鮮嫩，非常好味。仲有本人最愛的多春魚，細細條，燒完之後卜卜脆，每次BBQ 最少要食5、6條才滿足。飲品方面是任飲的，這方面也值得一讚。基本上雪櫃裏有大量汽水和其他飲品任飲，因為BBQ 當日比較熱，本人最少飲了4、5支飲品，而一般BBQ 場只會包一支水加一個飲品。因為其中有朋友好鐘意食海鮮，所以我們另外加海鮮，包括大虎蝦、蟶子皇、珍寶凡立貝、冰鎮翡翠螺。但