碗盛 (Closed)

銅鑼灣/天后清風街有唔少好嘢食，今日我就同朋友去咗新開無耐，好高人氣嘅碗盛。碗盛喺一間日式居酒屋，有卡座、單邊位，仲有塌塌米箱房。座位間距寬敞，而且燈光柔和，氣氛格調真係好啱約埋三五知己把酒談心。去得居酒屋，就當然會飲下清酒啦。碗盛就做緊期間限定嘅清酒Combo set，$188有3 shot 100ml 嘅清酒。碗盛分別揀咗神藏、望、同雁木依三款清酒。神藏：味道甜，果香濃。食嘢前同配枝豆、水雲漬都好合適。望：都係一款甜味嘅清酒。配合前菜、沙律或者冷盤都唔錯。雁木：屬於辛口嘅清酒，相對爽身。建議配搭串燒、炸物等比較濃味嘅食物。沖繩水雲漬，水雲係一種海藻，擁有獨特的黏滑口感。 而沖繩水雲較肥厚口感佳，低卡路里，配搭薑蓉食用，味道清爽。炒枝豆，絕對係佐酒小食。碗盛用咗黑蒜油同牛油炒，令枝豆味更加香濃可口。雜錦天婦羅，日本料理炸物之中最喜愛嘅食物嚟。雜錦天婦羅有海蝦、茄子、蕃薯、香菇。炸漿夠薄夠脆。配合清酒飲十分之正。去得居酒屋，當然要食串燒，燒白鱔、紫蘇芥末豬五花腩、雞頸肉、都係我個人推介。而另一款推介就係免治雞肉棒，配合月見蛋醬油，當當惹味。去日本食嘢，去完居酒屋飲飽食醉後，通常會去埋拉