宴．鐡板燒 (亨環‧天后)

Open Now

Now Closed

天后電氣道其實都幾多嘢食，有好多大廈，朋友之前介紹呢間鐵板燒就係某一棟大廈嘅頂樓餐廳，落地玻璃見到海景，夜晚食住鐵板燒睇香港夜景，餐廳環境優美，整體食物質素都唔錯！叫咗一個鐵板餐食物都好豐富！前菜：靜岡蕃茄配白松露芝麻多士，靜岡蕃茄好鮮甜。刺身包括：首先上咗一隻北海道真蠔，生蠔上面配上青檸橘子啫喱，感覺更加清新。其他魚類嘅刺身包括：油甘魚腩，松露油淡雪鹽鯛魚刺身，師傅建議先食油甘魚腩，由淡至濃咁食，喜歡淡雪鹽嘅質感，好似雪花一樣，帶有鹹味但係又唔會影響魚身嘅肉質本身嘅口感。手卷：有別於一般手卷，用上鱈魚魚乾做底，壽司飯面鋪上炙燒碟魚同 吞拿魚蓉，加上香蔥芝麻豉油已經調味好，整體口感好豐富。贈送鐵板燒前菜，除咗蒜頭，其他醃製前菜都係自家製，個人特別喜歡醃製苦瓜，唔會苦而且好清新。鐵板燒部份包括有：燒龍蝦。用蝦膏做醬汁，令到龍蝦更加鮮甜，如果想清新啲可以加檸檬汁。另外有啲雞冠草沙律，附上柚子沙律醬汁，點雞冠草沙律食用。 另外有鐵板燒鵝肝，配麵包同埋黑醋汁，鵝肝煎得啱啱好，外面有少少焦香，裏面仲好軟熟，充滿鵝肝魚油香，食完鵝肝食兩粒黑豆，解膩。鐵板厚燒薄燒牛肉，先食原汁原味，繼而再點岩鹽蒜片