黑木亭居酒屋 (清風街) (Closed)

之前食過佢其他的分店，覺得質素都唔錯，所以今次個friend話出天后食飯時就提議食呢間，好開心係天后店都食到咁高質的日本菜🥰拖羅特盛 $359呢個拖羅真係好肥美，油花分布非常漂亮，上枱時都忍唔到嘩一聲。三款拖羅的魚味都超濃郁，尤其大拖羅的油脂好豐富，真係有入口即化的感覺😍吞拿魚蓉輕輕火炙過，有種焦香味，再配一大堆卜卜脆的魚子，口感同味道都非常豐富。生蠔(買一送一) $128兩隻生蠔都好大隻，又鮮甜又飽滿，好有海水味，重點係買一送一勁抵😆椰皇壽喜燒 $398(A5 宮崎 + M7 澳洲和牛寶盒)壽喜燒平時食唔少，落咗椰子的真係未試過，咁就點一份試一試。上枱時會有職員倒椰青水落火鍋，個下已經聞到好有椰子味。壽喜燒加咗椰青水之後，湯底真係會食到有椰子的甜味，成個壽喜燒湯底的味道變得好豐富，好有層次。和牛寶盒有三款牛，A5 宮崎和牛係最好食😍牛味夠哂濃郁，又夠鬆化，仲要油香四溢，真係好好食，呢款最啱我口味😆寶盒除咗牛，仲有蝦同年糕福袋，蝦好結實好彈牙，食得出的新鮮。最後再叫兩杯特飲，紅火龍佛手柑熊茶($68)同綠茶鮮奶熊脆($68)。紅火龍個杯賣相精緻漂亮，柑橘味好香甜。綠茶個杯味道非常濃郁