Video
Read full review
2023-06-15
712 views
之前喺尖沙咀食六兩三，夜晚閒閒哋都要排半個鐘，而家終於進駐天后啦，住港島嘅我唔使再過海食🥰 新分店有兩幅好靚嘅壁畫可以打卡，環境亦都較為乾淨企理同闊落，坐得舒服左，食物質素都有進步！半筋半肉牛肉麵🥩$90 (🌟9/10)呢度嘅牛肉麵湯底可以自己選擇濃度，今次揀咗標準，濃淡得宜，湯底唔似坊間一啲好鹹，落咗好多醬油嘅味道，而係食到淡淡的回甘嘅藥材味，可能因為主打冇味精，所以飲埋啲湯都唔會覺得口渴！麵條揀咗幼麵，麵質好幼細順滑，牛肉同牛筋好入味好稔！鍾意食牛筋嘅可以叫佢個淨牛筋麵，牛筋好出色，一定好好食！🫶🏻蕃茄湯麵配炸花枝蝦扒🍅$72 (🌟8.5/10)我好鍾意佢個茄湯，真係用新鮮蕃茄黎煲，食到啖啖茄肉，個調味又啱啱好唔會過甜，呢款我配咗手工粗麵，口感似烏冬爽口彈牙，另配嘅炸花枝蝦扒炸到金黃色，外皮好夠薄，花枝蝦滑都幾彈牙！滷肉飯🤎$32 (🌟9/10)絕對係超級CP值高之選！唔好睇佢細細碗，但啲珍珠米係裝到滿晒，一個女仔可能食唔晒添，比得夠多汁食到最底都仲有汁，正！滷肉肥瘦平均，亦一啲都唔韌，肉香同油脂香同時喺口腔爆發，真係好岩香港人口味，必食🤞🏻皮蛋豆腐$48 (🌟7.5/10)醬汁係
半筋半肉牛肉麵🥩
$90 (🌟9/10)
呢度嘅牛肉麵湯底可以自己選擇濃度，今次揀咗標準，濃淡得宜，湯底唔似坊間一啲好鹹，落咗好多醬油嘅味道，而係食到淡淡的回甘嘅藥材味，可能因為主打冇味精，所以飲埋啲湯都唔會覺得口渴！麵條揀咗幼麵，麵質好幼細順滑，牛肉同牛筋好入味好稔！鍾意食牛筋嘅可以叫佢個淨牛筋麵，牛筋好出色，一定好好食！🫶🏻
蕃茄湯麵配炸花枝蝦扒🍅
$72 (🌟8.5/10)
我好鍾意佢個茄湯，真係用新鮮蕃茄黎煲，食到啖啖茄肉，個調味又啱啱好唔會過甜，呢款我配咗手工粗麵，口感似烏冬爽口彈牙，另配嘅炸花枝蝦扒炸到金黃色，外皮好夠薄，花枝蝦滑都幾彈牙！
滷肉飯🤎
$32 (🌟9/10)
絕對係超級CP值高之選！唔好睇佢細細碗，但啲珍珠米係裝到滿晒，一個女仔可能食唔晒添，比得夠多汁食到最底都仲有汁，正！滷肉肥瘦平均，亦一啲都唔韌，肉香同油脂香同時喺口腔爆發，真係好岩香港人口味，必食🤞🏻
皮蛋豆腐
$48 (🌟7.5/10)
醬汁係靈魂所在，甜甜地撈落冰凍嘅滑豆腐食簡直一流，仲有超級多木魚碎！不過相比起滷肉飯嘅Cp值就真係高好多啦
胚芽咖啡☕️
$29 (🌟9/10)
呢個飲品真係超推薦！胚芽甜甜地帶麥香嘅味道加埋沙沙地嘅口感絕對令人飲上癮，配埋重奶香嘅咖啡，香滑而不苦澀，非常好飲🫶🏻🫶🏻🫶🏻 同埋我揀咗3分甜都已經幾甜，建議唔好叫標準甜度~
茉香蘋果🍎
$22 (🌟6/10)
雖然佢標榜無糖，但我覺得都幾甜，同埋都係似香精味，胚芽咖啡較自然岩我口味～
總評：可能因為係新店，我覺得呢度嘅廚房好有心機煮，主菜樣樣都好食，每個細節位都照顧到，樓面員工都好親切有禮貌，希望之後可以保持住呢個水準，自然會有回頭客🫶🏻
Post
