台灣郎 (Closed)

早2日同好友去左天后果邊搵食, 佢見到台灣野即刻雙眼發光..於是我地就食一次啦, 反正我又好耐都未食過台灣菜.呢間餐廳叫台灣郎, 我地點左2個小食, 1個飯1個麵, 仲有2杯飲品.小食有: 鹹酥雞同經典台式香腸~鹹酥雞即叫即炸，食落口味道鹹香，而且肉質鬆軟，軟滑~而個經典台式香腸，甜中帶少少鹹，肉質彈牙，值得一試!! 台南魯肉飯，鋪滿魯肉，望落去好飽滿又滋味！至於個紅燒牛肉麵，好正，首先麵非常煙韌，而且配料好多，有牛肉、牛筋、蘿蔔等，極推介！