海魂燒 (Closed)

港島區嚟講，天后算係數一數二有多種唔同類型餐廳聚集埋一齊嘅地方，呢度無論係小食、麵包、粉麵、茶餐廳、不同國家嘅菜式、甜品⋯甚至乎Fine Dining 也應有盡有，唔少仲頗有人氣潻⋯嚟到天后真係唔洗怕冇野啱食。今日一於行到邊食到邊，行過清風街見到呢間叫海魂燒，睇到門外D食物相都好吸引，主打日式刺身、 串燒及燒物，見價錢合理，就一於試下啦。Menu上有龍蝦或和牛二人餐，其實好抵食！但因為我唔食牛，朋友又麻麻地龍蝦，所以我地決定散叫。燒法式羊架，冇諗過原來係孜然燒嘅，孜然嘅香加羊肉是超夾嘅配搭。羊架熟度恰好，食起來不會乾乾硬硬，燒完也保留其中嘅肉汁，而唔會顯得過熟。一咬落去，甜美嘅肉汁都跑出來了，加上有輕微的辣度～太美味了！！另外叫了一個醒胃小菜式，酸辣肉醬茄子，肉醬味道較辣及濃配上甜美嘅茄子，一啖接著一啖，停不了口！再來一個蟹子沙律，有別於一般食開嘅青瓜底的蟹子沙律，佢哋係用沙律菜，感覺更健康！黑松露溫泉蛋燒三文魚皮石鍋丼，一上枱已經聞到香噴噴嘅黑松露味，賣相味美吸引，材料豐富，店員細心叫我地先把舖在石鍋丼上嘅三文魚皮拿開，再把黑松露、溫泉蛋、海膽與米飯撈拌勻，最後才把三又魚皮片放上去，