黑木亭居酒屋 (清風街) (Closed)

天后呢間居酒屋舖仔細細，就算星期一入去都係滿座，好熱鬧！蟹將軍薯仔沙律蟹籽粒粒分明，混合蟹柳絲同薯蓉，味道好食，都幾新鮮！火炙左口魚邊卷左口魚被火炙得剛剛好，生熟兩種口感同味道都可以品嚐到，個面仲有黑松露去豐富個味道！蔥鹽A5宮崎和牛和牛肥瘦均勻，燒得香之餘又juicy，牛味幾突出，配埋面嘅蔥鹽又係另一種味道！鰻魚玉子燒鰻魚外皮燒得香脆，玉子燒甜，食呢個好飽肚！蜜桃烏龍茶個熊仔冰令杯野個賣相非常可愛，飲落冰涼又清新！北海道士多啤梨牛乳乳酸乳酸解渴，裡面仲有埋甜甜嘅士多啤梨果蓉！