叁不館

Open Now

Now Closed

今日去天后”叁不館”打邊爐，唔止舖名復古，一出𨋢好似返咗80年代，霓虹光管，手撕式月曆，墨寶牆，音樂播緊張國榮嘅有心人，入到店舖，一面牆貼着旭聲戲院電影海報，另一邊係傳統牛肉檔，配上傳統摺檯，公雞碗，保暖壺，竹籃等等，成個情景搭配已經好有feel，加上小妹妹店員有禮貌，介紹當日推介及湯底等等。值得一讚嘅係其中兩款自家制火鍋醬料1️⃣蝦頭油(超級無敵香，可惜冇得賣走)2️⃣沙嗲醬(配肉一流)莫生氣椰椰雞煲 $178 (超級推薦)首先加入整個椰青，煲滾先飲湯，再落雞，湯底超清甜，足足飲咗兩碗，雞肉嫩滑。安格斯牛頸脊 $268肉味重，油脂豐富，份量頗多，好抵食。白鱔片 $98非常新鮮，肉質厚實有口感，大火烚一分鐘，即夾即食，又嫩又滑。韭菜餃 $40韭菜味香濃，會想半肥瘦豬肉好食好食好食。招牌午餐肉餃 $40呢個有少少失望，食落完全冇午餐肉味道或感覺，只係一粒單純好食嘅豬肉餃，雲吞走蝦嘅感覺。手打海中蝦滑 $88份量偏多，蝦味尚好，彈牙得太犀利，程度係有啲唔實在嘅感覺。