101 Binary

Open Now

Now Closed

今晚放工唔煮飯同老公撐枱腳，呢間餐廳我想去好耐，因為被佢好特別既鐵閘門吸引，今日終於食到。好多款嘢食都想叫，選擇困難，最後揀咗3款share。燒封門牛肉三文治$88個三文治好正，個sour dough充滿新鮮麵包香氣又香脆。燒牛肉爆多，燒牛肉好厚，直程係牛扒咁樣，好香，加上沙律菜同埋啲燒汁，每一啖都是好滋味。驚喜嘅係，呢個三文治仲配埋沙律，性價比超高。黑松露雜菌意大利飯$108黑松露香氣四溢，個飯好creamy，飯粒口感有咬口，雜菌都足料。美國牛肩扒配炸薯條，焗蒜$248牛扒今日轉咗封門柳，切開牛肉色澤粉嫩，好Juicy，重牛味，炸薯條新鮮香脆，個焗蒜頭亦都不能錯過，軟糯又甘香。