Video
Read full review
2018-06-13
47 views
俗語說「打風不成三日雨」，初頭還以為「艾雲尼」對香港嘅威脅雖然已經解除，但今個星期六日，定必橫風橫雨，想不到天氣卻迅即轉晴。趁今日天朗氣清，決定先去維園逛逛，然後再去天后覓食。由於無 idea 想食乜，提議去附近橫街找找，喺永興街見到這間淺啡木色門面嘅食肆，走近一看，原來是間主打台式及上海料理嘅餐館，一站式，既有台菜又有上海菜吃，又幾特別喎，一於試下。餐廳佔地兩層，店內裝潢雅緻，走小清新風格，以木系為主，配上一室湖水綠椅子，色調柔和，視覺上非常舒服。地下用餐區佈置簡單，氣氛悠閒，而這天我們就被安排坐在樓上，感覺更具私隱。最令人驚喜就是牆身上的手繪壁畫，線條很優美，畫得栩栩如生。打開厚厚嘅餐牌，逐頁細看，有四款超值精選午飯、港式早餐、大滿足肉燥飯、特色粉麵飯、招牌湯麵、臺茶小吃，另外亦有下午茶餐、臺茶特飲及一系列經典飲品。既然是家台菜餐廳，就先嚟幾款臺茶小食，先吃鹽酥雞扒 ($30)，雞扒沒預期般大塊，而且上桌時已被店員切成條狀，無咗豪氣嘅感覺。挾起看看，色澤金黃，炸皮上黏滿密密麻麻的粿粒。一口咬下，外層香脆，帶淡淡椒鹽味，加上炸得夠乾身，一點也不油膩。至於入面的肉質，雖然較薄，但食落嫩
俗語說「打風不成三日雨」，初頭還以為「艾雲尼」對香港嘅威脅雖然已經解除，但今個星期六日，定必橫風橫雨，想不到天氣卻迅即轉晴。趁今日天朗氣清，決定先去維園逛逛，然後再去天后覓食。由於無 idea 想食乜，提議去附近橫街找找，喺永興街見到這間淺啡木色門面嘅食肆，走近一看，原來是間主打台式及上海料理嘅餐館，一站式，既有台菜又有上海菜吃，又幾特別喎，一於試下。
餐廳佔地兩層，店內裝潢雅緻，走小清新風格，以木系為主，配上一室湖水綠椅子，色調柔和，視覺上非常舒服。地下用餐區佈置簡單，氣氛悠閒，而這天我們就被安排坐在樓上，感覺更具私隱。
最令人驚喜就是牆身上的手繪壁畫，線條很優美，畫得栩栩如生。
打開厚厚嘅餐牌，逐頁細看，有四款超值精選午飯、港式早餐、大滿足肉燥飯、特色粉麵飯、招牌湯麵、臺茶小吃，另外亦有下午茶餐、臺茶特飲及一系列經典飲品。
既然是家台菜餐廳，就先嚟幾款臺茶小食，先吃鹽酥雞扒 ($30)，雞扒沒預期般大塊，而且上桌時已被店員切成條狀，無咗豪氣嘅感覺。挾起看看，色澤金黃，炸皮上黏滿密密麻麻的粿粒。一口咬下，外層香脆，帶淡淡椒鹽味，加上炸得夠乾身，一點也不油膩。至於入面的肉質，雖然較薄，但食落嫩滑有肉汁，挺不錯。 
接著送上嘅台式香腸 ($28) 就有點令人失望，質感似普通嘅腸仔，味道無乜特別，無台式香腸嗰種煙韌彈牙嘅口感。以台灣腸來說，個人還是比較喜歡吃黑漆漆的墨魚香腸。
反而接著上桌嘅呢碟煎蠔餅 ($35/2人份) 就絕對值得推介，蠔餅可以揀例牌或者二人份量，做法貼心，方便人少嘅食客可以試多幾款食物。講真，初頭見餐牌上有煎蠔餅，心想，連潮州菜都做埋？原來這裡嘅煎蠔餅，做法有點不同，用上半煎炸形式，而材料除咗雞蛋同蠔仔外，仲會加入蔥花、芫荽和芹菜等。蠔餅以圓碟盛上，煎得完整不散，賣相美觀，嘗一口，燙口香脆、蠔仔鮮甜爆汁，非常滋味。
主菜方面，揀咗大滿足肉燥飯，每碗肉燥飯都會包肉燥、滷水蛋或太陽蛋同時蔬， 另外客人可以再自選配料，既然餐廳以台菜 crossover 上海料理，就一於配糖醋魚塊 ($52) 試試。肉燥全部都係餐廳自家製，送上時呈亮麗焦糖色，醬油味不過份，食落肥瘦均勻。米飯熱度足，粒粒分明，帶點咬口；滷蛋入味、蛋黃綿軟好吃。糖醋魚塊亦做得很有水準，外層炸漿薄身，內裡肉質非常嫩滑，入口啖啖肉，唯一就是稍嫌糖醋汁下得有點少，否則食味更佳。 
飲品點了仙草奶茶 (跟肉燥飯+$5) 同熱情果紅茶 ($16)，前者奶茶茶底清香，入口甜度適中，喝罷還有陣陣回甘升上口腔；加上仙草質感滑溜，下得亦甚為慷慨，水準唔錯。另外熱情果紅茶，味道亦不俗，入口酸咪咪，很醒胃，夠曬冰涼消暑。
來到甜品時間，其實店裡的甜品，選擇不多，只有豆腐花、豆沙鍋餅、仙草凍、燒仙草等。選了珍寶仙草凍 ($42)，成品用料非常豐富，極之大堆頭，有仙草、芋圓、地瓜圓、紫薯圓、珍珠、紅豆、綠豆、彩虹椰果、芒果水晶及荔枝爆珠等，上桌時大大碗，色彩繽紛，非常吸引。仙草有清新嘅草香味，口感超滑，質地幼細，微微爽口。芋圓、地瓜圓、紫薯圓賣相討好，十分煙韌，甚有嚼勁。珍珠咬下有黑糖香，而紅豆、綠豆亦煮得非常鬆化，入口有豆香。整體來說，甜度剛好，不會過甜過膩，非常推薦。其實還很想試下餐廳的上海菜，如生煎包、鍋貼、紅油抄手、酸辣湯等，可惜這天人丁單薄，等兒子考完試，一於帶埋兩隻小鬼再訪。
Post
