Video
Read full review
2016-01-20
1139 views
早前係朋友既面書見到佢upload 左呢間餐廳餐廳的醉人美景同好吸引既美食，令到我都想黎試下，今日難得朋友生日，就打算同佢黎試下。位於天后電氣道的「樓上舖」，A la umai 主打法日Fusion菜，我地坐低之後就俾佢浪漫舒適既氣氛吸引到，忍唔住影左好多相。女生們點都有少少選擇困難症，叫set dinner應該都係明智既決擇，set dinner 係5 course dinner，分別係烤美國安格斯300日肉眼 (200g)配紅酒汁 ($528)同埋1/2 波士頓龍蝦黑雪魚配蟹肉忌廉汁 ($538)。落左order之後，首先上菜既係頭盤，頭盤係18個月黑毛豬風乾火腿伴哈密瓜。Parma Ham入口感覺非常清新，咸香度不算高，食得出風乾味。哈密瓜香甜多汁，同Parma Ham一齊食絕對夾到痺。之後送上黎既係前菜，前菜每日都唔同，而今日既係三文魚配青菜沙律，三文魚既整法好特別，似係磨過咁，口感同一般食到既唔同。之後上既係湯同麵包，湯我地2個都叫左鮮蟹肉龍蝦忌廉湯，龍蝦湯味道相對濃而不過鹹，麵包方面，外脆內軟，仲有D麥香味，其實唔錯既，但係如果可以整返熱少少，咁就更加好啦。只係食完以上既野
位於天后電氣道的「樓上舖」，A la umai 主打法日Fusion菜，我地坐低之後就俾佢浪漫舒適既氣氛吸引到，忍唔住影左好多相。
女生們點都有少少選擇困難症，叫set dinner應該都係明智既決擇，set dinner 係5 course dinner，分別係烤美國安格斯300日肉眼 (200g)配紅酒汁 ($528)同埋1/2 波士頓龍蝦黑雪魚配蟹肉忌廉汁 ($538)。
落左order之後，首先上菜既係頭盤，頭盤係18個月黑毛豬風乾火腿伴哈密瓜。Parma Ham入口感覺非常清新，咸香度不算高，食得出風乾味。哈密瓜香甜多汁，同Parma Ham一齊食絕對夾到痺。
之後送上黎既係前菜，前菜每日都唔同，而今日既係三文魚配青菜沙律，三文魚既整法好特別，似係磨過咁，口感同一般食到既唔同。
之後上既係湯同麵包，湯我地2個都叫左鮮蟹肉龍蝦忌廉湯，龍蝦湯味道相對濃而不過鹹，麵包方面，外脆內軟，仲有D麥香味，其實唔錯既，但係如果可以整返熱少少，咁就更加好啦。只係食完以上既野就已經半飽啦，之後就到主菜啦。
烤美國安格斯300日肉眼 (200g)配紅酒汁: 安格斯選材唔錯，表面色澤比較沉，牛扒雖然用左大量黑椒粗粒猛火燒，外層焦香十足，但表面無咩網紋，肥瘦比例剛剛好，medium的生熟程度，肉味濃郁，裡面D肉汁仲流出黎，配埋芥辣同埋蒜蓉汁，賣相好靚，真係好好味。
1/2 波士頓龍蝦黑雪魚配蟹肉忌廉汁: 一上菜就聞到很香的龍蝦味，入口啖啖肉又彈牙，仲好惹味，只不過挑D肉出黎比較難。雪魚方面整得好滑，沾上蟹肉忌廉汁， 有香濃既海鮮味，伴碟既有大量蔬菜，感覺好有日式風味，亦都充滿營養及纖維。
食完之後，甜品就送上啦，係我最喜歡既士多埤梨撻，細細件，士多埤梨好新鮮，下面有少量既custard，撻皮又夠脆，好好味，值得一讚。Post
