Video
Read full review
2016-10-07
149 views
天后既美食不少，甜品店更是最受歡迎，但本人認為好多都無咩特式，甜品來來去去都係嗰幾款，實在驚喜欠奉。但見到朋友有晚嚟左打卡，post左張一個好似太陽蛋既甜品，巧打耳！細問之下原來係分子甜品嚟，價錢仲要好親民，所以即刻搵晚嚟食！小店雖然唔近天后地鐵站，但其實維園出口一直keep住直路行，見到vingo便利店再過馬路就到，10分鐘左右。老闆娘同店員都好親切，有問必答，而且會介紹佢地既推介，同埋有邊款唔係時令甜品～原來佢地除左對甜品本身有要求之外，就連伴碟既水果都一絲不苟！佢地會搜尋世界各地各式各樣既時令水果嚟配合佢地既甜品，例如以色列芒果時節已過，就用上西班牙芒果、柑就用西班牙的、青提子用香印的、菠蘿用泰國的等等。。。傾下傾下，第一道期待以久既《哈妃蛋黃楊枝甘露$68 》已到！蛋黃係芒果汁嚟，係我正想一啖入口時，老闆娘教：首先要整穿「蛋黃」，然後同其他部分撈均，再淋上鮮芒果漿～佢仲話楊枝金露係香港既特色，而蛋就係香港小食既主要角色，所以老闆娘就想藉此宣揚比大家甚至海外～「蛋黃」係流心芒果嚟，分子料理既煮法打芒果汁入去；白色部分係椰汁加椰漿；最底就有口感粒粒分明既西米露～伴碟既西班牙芒果係a
但見到朋友有晚嚟左打卡，post左張一個好似太陽蛋既甜品，巧打耳！細問之下原來係分子甜品嚟，價錢仲要好親民，所以即刻搵晚嚟食！
小店雖然唔近天后地鐵站，但其實維園出口一直keep住直路行，見到vingo便利店再過馬路就到，10分鐘左右。老闆娘同店員都好親切，有問必答，而且會介紹佢地既推介，同埋有邊款唔係時令甜品～原來佢地除左對甜品本身有要求之外，就連伴碟既水果都一絲不苟！佢地會搜尋世界各地各式各樣既時令水果嚟配合佢地既甜品，例如以色列芒果時節已過，就用上西班牙芒果、柑就用西班牙的、青提子
用香印的、菠蘿用泰國的等等。。。
傾下傾下，第一道期待以久既《哈妃蛋黃楊枝甘露$68 》已到！蛋黃係芒果汁嚟，係我正想一啖入口時，老闆娘教：首先要整穿「蛋黃」，然後同其他部分撈均，再淋上鮮芒果漿～佢仲話楊枝金露係香港既特色，而蛋就係香港小食既主要角色，所以老闆娘就想藉此宣揚比大家甚至海外～
「蛋黃」係流心芒果嚟，分子料理既煮法打芒果汁入去；白色部分係椰汁加椰漿；最底就有口感粒粒分明既西米露～伴碟既西班牙芒果係after taste食，甘樣就可以比較到已打成汁同原個芒果既味道分別～
《必食雪糕漢堡 （迷你）$68》呢款有大版同迷你版，我就叫左迷你版食～賣相可愛麻～「漢堡包」皮口感似硬身d既泡夫，而且每個「漢堡包」中間都夾住一款雪糕：朱古力、士多啤梨&雲尼拿～滿足晒貪心既我！
伴碟既有多種水果，同埋貌似薯條既南瓜年糕條！呢款南瓜年糕條絕對唔可以忽視，口感煙韌，帶微甜，有南瓜香而且炸得薄脆，令整體再加分不少！
《人氣蘋果金寶 $68》呢款甜品好似普通，但我每次去食甜品都會叫，所以絕對可以比較每間既水準～ 哈妃既apple crumble頂層焗得香脆，不過不失，但食落去蘋果肉部分就覺得唔錯了！因為佢地無用肉桂粉同蘋果一齊煮，完全係純蘋果既味道，甜味天然清甜！
《經典心太軟 $68》記得其他大部分店既心太軟都只配上雪糕在旁，但「哈妃」會於每款甜品旁加上新鮮空運生果，真係食得出係坐飛機黎架！泰國菠蘿係天然甜無加糖；雪梨，一切開啲汁係流晒出黎。。。 真心，我好小見雪梨會流汁。
心太軟入面既朱古力味道比出面既香濃，而且一啲都唔會水淋淋，好多漿，唔會食食下乾晒，唔錯！
《麵包布甸 $58》一聽到麵包布甸，第一個感覺就覺得好漏，食完已經飽7成，所以唔會太敢點，但食完呢度既麵包布甸之後，竟然愛上左！ 熱辣辣既布甸上面，放上雲呢拿味雪糕，佢既雪糕仲有一點點既香草籽，無估錯應該M字牌雪糕，麵包好香既牛油味，都唔會太乾，混合埋雪糕，錦上添花，食完再食埋啲生果，又refresh左！再食下款！
《脆脆拿破崙 $58》終於等到食呢款老闆重點推介既脆脆拿破崙喇！
平時食到既拿破崙，係好傳統一層cream加蛋糕咁，但哈妃好有心思，一眼望落去，似係幾片餅乾，中間夾住啲cream咁，旁邊有小店特制既斑蘭雪糕同埋每日老闆挑選唔同國家既時令生果配襯。特別要提下佢地採用既黑提子，多汁而且帶有甜酒味，十分特別，令人深刻！
初初以為拿破崙會乾身，驚喜地，入口即溶既感覺隨之而上，拿破崙有好香牛油味，但唔會令人有漏既感覺，好鬆脆，食完一片，你會想追第二片食，配埋生果同自家制斑蘭雪糕，好清新既感覺！ 雪糕都好有斑蘭既味道，如果可以滑啲會更perfect!!
《花茶 $45（玫瑰/烏龍茶）》瘋狂消滅甜品之後，飲杯花茶清清口腔，減減飽滯感，再發一呆回味一下各甜品既味道，好滿足～
臨走時見到佢地正在準備第二日既餐廳，八掛一望原來哈妃有午市 (til 3pm) ！每個餐都跟茶同每日特制甜品，真係要搵日daytime嚟食先得！
Post
