早安越南 (Closed)

今日嚟到天后搵嘢食，見到呢間早安越南畫面幾吸引入咗去試下。餐廳選擇好多，而且Menu都做得幾吸引，今次試咗好多唔同嘅嘢share食，咁先至到一間餐廳係味ok❤️ 🍜 Pho 生牛肉湯河 湯底好香，味道唔錯，而且上枱時可以保留小小生嘅牛肉，呢個係重點🥰 抵讚！🥗 柚子大蝦沙律賣相同埋味道都好好，蝦雖然唔算好大隻，但係好新鮮，爽口彈牙，呢個配搭感覺好fresh! 🥢 越式酸辣鳳爪 一向都超鍾意食酸辣鳳爪，呢個真係值得推介，唔算好辣，但佢調味加咗自己嘅香料，好好味😋🍢 越式串燒串燒香口，沙嗲醬有花生香味，甜甜地🍹椰汁綠豆冰越南野通常都比較偏重味，帶返杯椰汁綠豆冰平衡下剛剛好～