叁嘗 (Closed)

天后出名就多嘢食，再行多遠遠少少，去到Diva下面，有一間小型西餐廳，座位唔多，但勝在食物有特色。我哋嗌咗明太子蟹肉忌廉意粉，滿滿嘅明太子忌廉包住一條條嘅意粉，蟹肉亦都非常鮮甜，啖啖有口感。另外叄嘗卷就真係其他地方唔會食得到，炸蝦拼埋辣嘅吞拿魚配埋特別嘅牛油果沙律醬，口感非常之複雜，亦都融為一體。最後嗌咗個明太子釀雞翼小食，肉質非常之豐富，一咬落去除咗有明太子嘅鹹香味之外仲有雞肉嘅汁爆曬出嚟，外脆內軟煎得非常之香口，因為佢座位唔多，所以真係下次嚟之前一定會訂位。