TwoTwo Chicken (Closed)

開放式韓式店舖係香港較為少見，多為西式餐廳，特顯左Two Two chicken的特式。我地坐左窗邊位，對住條街食，別有一番風味。呢度條街少人又少車，真係好適合談心、吹水。店員先派餐具、膠手套和垃圾筒仔。個窗好大個，張枱有些窄，真係飲杯野就ok，若3人以上Share 食物有難度。招牌雞有4款，呢個係香葱炸雞幾有特色，係其他韓式炸雞店見唔到。可以選whole chicken or half，呢度係一隻，都唔係好大份，大春雞size。雞肉鮮嫩，外脆內軟，表皮帶着濃郁的檸礞蜜糖味道，加生的香葱食用，都幾香，若葱味再重點，便更好！大量新鮮蔬菜伴碟，不錯。韓式泡菜risotto，呢個Korean mix Italian感覺新鮮，有少許辣，都幾好味。韓式辣年糕係真辣，除左有年糕，仲有魚糕，制作味道幾正宗，年糕好有嚼勁！再點個原味炸雞半份，跟香葱的味道很不一樣，更能食出雞味，下次可以先食原味，再試其他味。