Video
Read full review
2021-05-14
1806 views
又嚟多次呢度啦！之前嚟過一次，對佢哋咖啡印象唔錯😆 今次同條佬經過餐廳門口發現佢哋轉咗Menu，決定試一試新菜式！記得上次等位都要等成45分鐘，今日我等咗大概10分鐘就有位啦😁 裝修偏工業風，隨便搵個位都係打卡位📸 最適合打卡嘅位置莫過於巨型特色鐵門，由上一手保留到依家😉 成間店最靚應該係佢嘅廁所，可以參觀一吓🤭呢度亦係寵物友善餐廳，有Dog Menu提供，可以帶狗狗過嚟用膳🐶❤️ 燒春雞 (半隻) 配非洲小米 Roasted Spring Chicken (Half) Paired with Couscous $138一見到有燒春雞就忍唔住叫一份！🤤 燒春雞肉質嫩滑，外皮有層焦糖脆脆，增加咗少少甜味！調味方面偏向東南亞風味，有濃濃嘅香茅味，但調味略為單調。非洲小米煮到粒粒分明，口感軟腍。好食度：⭐️⭐️⭐️ (3/5)❤️ 牛油果班尼迪克配酸種吐司 Avocado Eggs Benedict On Sourdough Toast $98牛油果控必食！🥑 牛油果熟度啱啱好，幼滑可口。Eggs Benedict做到流心效果👌🏻 Sourdough就正正常常，味道同質感都中規中矩👀 本來以為得一個T
記得上次等位都要等成45分鐘，今日我等咗大概10分鐘就有位啦😁 裝修偏工業風，隨便搵個位都係打卡位📸 最適合打卡嘅位置莫過於巨型特色鐵門，由上一手保留到依家😉 成間店最靚應該係佢嘅廁所，可以參觀一吓🤭
呢度亦係寵物友善餐廳，有Dog Menu提供，可以帶狗狗過嚟用膳🐶❤️ 燒春雞 (半隻) 配非洲小米 Roasted Spring Chicken (Half) Paired with Couscous $138
一見到有燒春雞就忍唔住叫一份！🤤 燒春雞肉質嫩滑，外皮有層焦糖脆脆，增加咗少少甜味！調味方面偏向東南亞風味，有濃濃嘅香茅味，但調味略為單調。非洲小米煮到粒粒分明，口感軟腍。好食度：⭐️⭐️⭐️ (3/5)
❤️ 牛油果班尼迪克配酸種吐司 Avocado Eggs Benedict On Sourdough Toast $98
牛油果控必食！🥑 牛油果熟度啱啱好，幼滑可口。Eggs Benedict做到流心效果👌🏻 Sourdough就正正常常，味道同質感都中規中矩👀 本來以為得一個Toast會唔夠食，點知都幾飽肚！好食度：⭐️⭐️✨ (2.5/5)
❤️ Mocha $42 & Flat White $36
Mocha比Flat White大杯少少💁🏻♀️ 之前講過呢度嘅咖啡好飲過同區n字頭嘅cafe，今次我飲完覺得咖啡無之前飲咁香濃，但水準都依然好過唔少cafe嘅🤫好飲度：⭐️⭐️⭐️⭐️ (4/5)
餐廳推薦度：⭐️⭐️⭐️ (3/5)
主菜方面都普普通通，價錢亦稍貴，幫襯咗呢兩次之後短期內都未必會回頭～ 如果下次咁啱經過呢頭，又突然想飲咖啡都可以考慮吓嘅😎
Post
