Video
Read full review
2023-03-19
101 views
今次既韓式fine dining都十分顛覆我對韓國菜既固有印象😯😯而且九道菜都喺味道同創意上都帶比我地好多驚喜🫡價錢黎講係Omakase/鐵板燒價但韓式fine dining 喺香港非常稀有佢地嘅食材同質素都對得住呢個價 想要新鮮感 又想要夜景同儀式感嘅你多個韓式選擇喇✌🏻🤓而且店員同我地講4月會有一個韓牛燒肉主題既新menu 有興趣既朋友都可以密切留意 Oouli 9-courses tasting menu（$1480)九道菜menu而家做緊special price $1480 要預番兩個幾三個鐘慢慢品嘗 環境同成個體驗非常尊貴 店員都好有禮貌 服務一流🙃為免大家TLDL 就揀最驚喜個幾道菜重點介紹一下 但其實九道菜都好特別🥗Oouli Bu Gak紫蘇油炸及三次風乾的釜山海苔及濟州海藻🍣Jagal -Chi韓國左口魚 72小時醬油大蝦及醬油三文魚 左口魚裙邊搭配韓式麵鼓醬同少少辣既海鮮汁大蝦同三文魚刺身都用咗醬油醃製俾我哋識到同日式刺身好唔同嘅感覺 刺激味蕾之餘 韓式調味比泰式嗰種更能突出魚生既鮮味 十分欣賞！🍲Deul Kkae - Juk韓國當造特色蔬菜、韓牛、新鮮蜆肉、及
而且九道菜都喺味道同創意上都帶比我地好多驚喜🫡
價錢黎講係Omakase/鐵板燒價
但韓式fine dining 喺香港非常稀有
佢地嘅食材同質素都對得住呢個價 想要新鮮感 又想要夜景同儀式感嘅你多個韓式選擇喇✌🏻🤓
而且店員同我地講4月會有一個韓牛燒肉主題既新menu 有興趣既朋友都可以密切留意
Oouli 9-courses tasting menu（$1480)
九道菜menu而家做緊special price $1480 要預番兩個幾三個鐘慢慢品嘗 環境同成個體驗非常尊貴 店員都好有禮貌 服務一流🙃
為免大家TLDL 就揀最驚喜個幾道菜重點介紹一下 但其實九道菜都好特別
🥗Oouli Bu Gak
紫蘇油炸及三次風乾的釜山海苔及濟州海藻
🍣Jagal -Chi
韓國左口魚 72小時醬油大蝦及醬油三文魚 左口魚裙邊
搭配韓式麵鼓醬同少少辣既海鮮汁
大蝦同三文魚刺身都用咗醬油醃製
俾我哋識到同日式刺身好唔同嘅感覺 刺激味蕾之餘 韓式調味比泰式嗰種更能突出魚生既鮮味 十分欣賞！
🍲Deul Kkae - Juk
韓國當造特色蔬菜、韓牛、新鮮蜆肉、及自家大米15小時以上烹調傳統粥
同我想像既味道好唔同
海鮮同韓牛等既精華煮成既粥 有啲似粥式火鍋最後食嘅精華粥 亦有西餐蘑菇濃湯嘅感覺 每啖都食到蜆肉
再加上韓式菜鍾意加嘅麻油 每一啖都好滿足 配埋用米壓而成既脆餅
好想再食多碗！🤤🤤
🍮Han - Ip
章魚片、韓國橡子果凍 配炸豆腐鱈魚籽三文治
比起味道 呢道菜嘅賣相令我印象好深刻 個盤配埋花一樣嘅橡子果凍同章魚片 好似一朵花 配上微酸既湯汁 有賣相又有實際 中和上一道海鮮粥既濃味 好有心思😆😆
🍚Bo Yang -Sig
韓式參雞湯燴飯
上菜後店員再噴上餐廳自己醃製既人參酒 聞落已經有淡淡既人參香味
對我黎講岩岩好唔會刺鼻
將人參雞做到好似Rissotto咁嘅質地 好出色同有創新既fusion😭
🦪Jili - Tang
海鮮清湯配烤釜山鮑魚
將高湯打成泡沫 泡沫中間就係釜山鮑魚 好似浸緊泡泡浴咁 賣相靚得黎帶點貴氣 本身清湯既味都好清甜 而上層有薄薄嘅辣椒粉點綴 視覺上都好享受😎😎
🍛主菜 Jan Chi
主菜可以揀韓牛 和牛 黑毛豬五花 或者釜山鰻魚 我地就揀左韓牛同豬五花 想重點推介下韓牛🐥
🥩烤韓國頂級1++韓牛
實不相瞞之前食啲韓燒任食都有食過聲稱係韓牛嘅牛 係有啲失望
對韓牛係驚驚地 但平時明明睇runningman 智孝佢地食韓牛食得好滋味😬發現真係一分錢一分貨 呢度嘅韓牛燒得外脆脆地內嫩 相都見到個色好治癒 而食落真係有好濃同香嘅韓牛味 肉質一流 對韓牛道個歉🙏🏻
🍖36小時慢煮濟州黑毛豬五花
🍚JinSu - Sung Chen
釜山自家農田珍珠米飯配48小時鰻魚湯加五種時令特色釜山伴菜
愈簡單既料理愈需要心機去製作
店員喺廚房推左一個金屬蒸氣飯煲到我地枱前 撳個掣 飯煲就好似一架蒸氣火車咁噴晒啲蒸氣出嚟
再將熱辣辣香噴噴嘅飯勺到石鍋碗內 可能蒸飯既關係 同平時食既日本珍珠米唔同 水分較多食起上黎較黏 但個飯香係即蒸出黎獨有嘅😭
配埋五種配菜令我一路食一路諗起長今 唔係講笑 真係有食緊長今整嘅野食feel(大長今fans是也 出賣年齡)
🥧Hu- Sig
糯米年糕窩夫餅配自製雪糕
好鐘意個糯米年糕窩夫餅
原來窩夫配煙靭餡係咁正
配埋雪糕食一流😭😭
最後既甜品都充滿心思 好滿足🥹
呢排工作都好攰好忙 呢兩個幾三個鐘好似置身另一個空間 望住夜景 聽住店員中韓文夾雜嘅介紹 係個好放鬆嘅體驗🥹
Post
