亞萊嘜嘜 (Closed)

-午餐：泰式雞肉炒金邊粉，熱咖啡今日去咗荃灣呢間亞萊嘜嘜， 環境都唔錯， 坐得幾舒服，服務亦都係一流。 睇完個menu就叫咗泰式雞肉炒金邊粉， 值得一讚嘅係啲炒金邊粉炒得好入味，唔會一pat pat、好清爽，一條一條咁。不過最美中不足嘅係，啲雞肉我食淨係食咗1嚿，全部都真係食唔到落口。 如果唔係個menu佢話炒雞肉，真係唔知係食緊雞肉，我估可能係因為冰鮮雞，好似好大陣雪味咁。真係估唔到一碟雞肉炒金邊粉，嗰個落差可以咁大！！金邊粉好似天堂咁，炒雞肉就跌咗落地獄咁。