天ぷらまきの

Open Now

Now Closed

今次試咗個「角切魚生丼配雜錦天婦羅定食」，除咗個魚生飯同天婦羅之外，仲有烏冬同配菜。雜錦天婦羅有雞排，南瓜，蝦同茄子。味道點？以主打天婦羅嘅餐廳嚟講，天婦羅不過不失，炸出嚟係脆嘅，雞肉都唔乾，但未去到超好食。烏冬清淡，湯底唔會太鹹，魚生丼都唔錯，魚生唔會太少。食物扣分喺配菜上面，配菜冇乜味，份量亦都唔多，起唔到醒胃嘅作用。服務係另一個扣分位。晚市其實空枱唔少，但係兩個人被要求打橫坐喺卡位一邊，對住塊透明膠板食飯，對面全程冇坐過一檯客。另外，餐廳規定用餐時間1個鐘，令到用食飯壓力大，要趕住食，同時見到附近根本有起碼3張空嘅2人檯，食到有啲嬲。送菜時間係快嘅，但係就係因為我哋打橫坐被逼好似坐飛機送飛機餐咁，幫侍應捧餐盤俾同我一起食飯嗰個。環境總體嚟講乾淨企理，裝修新。