金子半之助 (利東街)

Open Now

Now Closed

星期二三同老公放假，所以星期一晚唔駛煮飯帶飯，我仲唔把握機會去食我想食既餐廳。呢間專門食天婦羅丼飯，我想食好耐架啦。江戸前天丼內容物有穴子、海老、小柱魷魚天婦羅餅、溫泉蛋、海苔、莢豌豆。用上日本特製高級胡麻油，由胡麻油製成既天婦羅聞落特別香，色澤亦會比較深。天丼淋上古早秘傳醬汁，天婦羅唔算脆口。天丼即叫即整，上枱熱辣辣。穴子天婦羅目測有30cm，勁長，肉質食落肥美又軟滑。食到一半篤穿溫泉蛋，蛋黃流晒出黎撈珍珠飯食，正。江戸前天丼跟左味噌湯同漬物，味噌湯好飲，好正宗。迷你天丼&稻庭烏冬(冷)迷你天丼有菇菌、海老、南瓜、海苔、莢豌豆、溫泉蛋。菇菌好爽脆，整成天婦羅好驚喜。稻庭烏冬超級好食，整成扁長又幼身既烏冬，好滑身又彈牙，好回味。另外追加左赤甘鯛，呢個唔係跟飯，所以好脆口，熱辣辣，魚肉又嫩滑，好味。