大本瀛日式放題

Open Now

Now Closed

同CHICKEN因為諗唔到食咩，所以去左間放題到食晏，雖然下午食放題好似有啲怪，但為左冇咁易肥同食多啲唔同野，CHICKEN唯有就範同我去食喇XD午市真係冇乜人，我地可以食得較輕鬆，又唔洗好似打仗咁狂落單，而且個個都係卡位，又唔洗同人迫黎迫去，雖然環境唔會話好大，但坐得舒服已經很好！飲品為自取，有CC系列，同埋蘆薈飲品，而我就較偏好蘆薈飲品。款式相比之下唔算好多，每一項都有大約8-10款，而我地都係每款食啲～放題少不了既刺身，我地嗌左三文魚、鮑片、有頭甜蝦、榮螺、珍寶帶子、北寄貝等等，三文魚食落去好鮮甜，脂肪分佈均勻，入口即溶既感覺～鮑片煙韌有口感，味道又夠甜～榮螺爽口鮮味，珍寶帶子軟滑有口感，食完又再食呢～然後我地又嗌左幾款壽司，火灸芝士玻璃蝦壽司味道香甜，食落食少少黏黏既口感，黑松露三文魚壽司味道唔錯，松露味好香，而火炙三文魚壽司入口即溶，充滿油脂感。鐵板炒銀芽，食落去爽口多汁，帶少少胡椒味，而且同埋豚肉一齊炒，炒得唔錯。天婦羅，炸得一啲都唔油膩，食起上黎炸軟，內裡既虎蝦依然KEEP住個溫度，而且口感好彈口，唔會覺得油笠笠，炸粉控制得宜，推薦嗌多幾隻～金菇肥牛卷，燒得唔錯，精髓就係