天丼てんや

Open Now

Now Closed

天丼唔係第一次食，但次次都係食丼飯，今晚一個人晚餐又凍凍地，就去試埋天婦羅烏冬啦。平日晚餐時段一定排長龍，今晚6點到達好彩有位唔洗等。 天婦羅烏冬（湯麵） $86 定食有6款，有冷麵、湯麵及丼飯，今晚天氣凍凍地就揀左湯烏冬，湯底可揀醬油湯或豚骨白湯湯，定食既天婦羅包括黑虎蝦2隻、蟹柳、茄子、蓮藕及四季豆。 豚骨湯底夠哂熱，一路食一路暖笠笠，味道未算太濃味精，未覺太口渴，烏冬份量都好足，條條滑嘟嘟，食晒成碗都幾飽。 天婦羅炸粉唔算厚，薄薄地幾脆，黑虎蝦啖啖肉，食完2條好滿足，蓮藕夠爽口，茄子有少許油膩感，沾上附上的天婦羅醬汁更美味，嫌唔夠味仲可以自行加埋七味粉添。