八妹雞煲

Open Now

Now Closed

天氣轉涼，又想打邊爐，又想食辣嘢！雞煲真係最佳嘅選擇，有得食辣子雞，食完又可以打邊爐；所以就嚟咗八妹雞煲食返個好味嘅辣子雞煲；嚟到當然又點咗半隻辣子雞煲先啦！再加埋我最愛嘅即炸響鈴，炸魚皮和雙滑即蝦滑和墨魚滑，當然仲要加個菜啦！嘩剛剛嘉士伯小姐推介，咁就飲返一支嘉士伯降降火；個雞煲熱辣辣咁樣由服務員拎嚟，我地急不及待咁樣食啲雞，雞肉相當嫩滑，亦都入味，食完成身都暖曬；之後再加啲湯落去就開始打邊爐，首先當然食返個響鈴嚟索下啲湯先啦，跟住再食炸魚皮，炸魚皮就算唔浸湯都好食和脆口，食到呢度都差不多飽咗一半，咁之後再落啲蝦滑和墨魚滑，但記得千祈唔好淥咁耐，如果唔係就變得實的的，剛熟就好彈牙，味道唔錯；最後加啲菜落去，滋潤一下個喉嚨，當然仲有飲啖啤酒降下火，就更令我哋食得開心又放心啦！