傷心酸辣粉 (馬鞍山中心) (Closed)

之前就算係星期五六日，人都唔算多，但今次就要排隊啦，都等成半個鐘有多架。可能因為天氣凍，大家都想食辣野暖身吧？而且店入面好多人都叫左烤魚呢~首先正正常常叫左個酸辣粉，麵底叫左米線，BB辣。今次既BB辣比起以前辣左1度，感覺似係小辣呢。之後當然唔少得係烤魚啦，魚放係烤爐上面，大大條，好足料架。而且仲有唔少配菜，重點係豆POK吸晒d辣汁，食得好過癮呢。另外就係呢個水煮牛，好多餐廳整水煮牛都係用唔靚既肥牛，但呢個既牛唔un，辣椒既味道加埋落去佢既肉汁度，好香口呢 ~食完之後個身暖晒，就捧住個肚滿足咁回家了。