Video
Read full review
2018-11-29
225 views
朋友嘅爹哋係渣的士嘅，原來的士司機先係最叻搵食嘅達人，揸住架車周圍去食過唔少貨真價實的好食店。滾得棧位處內街，乾淨整齊而且座位夠闊，梳化座卡位啱晒我心水，環境氣氛都好好。店安排座位後便送上餐牌，然後細心地介紹咗招牌菜！係我哋諗緊食乜嘅時候一於叫野飲先，一渣竹蔗水份量超誇張的多，五六個人都夠飲！竹蔗清甜味濃郁，解渴抵飲！湯底各人有個人嘅口味我哋就揀咗雙拼，因為我未試過潮州湯底，覺得幾特別終於都冇令我失望，即係好似去咗香港仔魚蛋叫四寶加紫菜咁樣嘅感覺。有大地魚濃湯嘅感覺，仲有紫菜、肉碎、豆腐等等嘅配料。另一邊嘅蕃茄薯仔湯底材料十足，到最尾仲可以整返個番茄濃湯牛肉烏冬呢！淨係兩個湯底已經咁精彩，加埋火鍋料真係不得了！我係餐牌見到幾特別的象拔蚌丸，半份都只不過係 $38。真係好抵食！一於唔使諗咁多叫黎試吓先，半份已經有六粒，我個人估計係手打象拔蚌丸比乒乓波細少少，但食材就好正因為每一粒丸嘅上面都會有一塊象拔蚌肉，入口結實彈牙有爆汁嘅感覺。因為我哋人唔多叫唔到咁多碟牛肉嚟食，所以就索性終極叫一個牛魔王⋯⋯咁就可以一次過試晒所有罕有部位的牛肉。其中我最鍾意食 招牌手切牛頸脊，都係店員姐姐極力推介我
滾得棧位處內街，乾淨整齊而且座位夠闊，梳化座卡位啱晒我心水，環境氣氛都好好。店安排座位後便送上餐牌，然後細心地介紹咗招牌菜！
係我哋諗緊食乜嘅時候一於叫野飲先，一渣竹蔗水份量超誇張的多，五六個人都夠飲！竹蔗清甜味濃郁，解渴抵飲！
湯底各人有個人嘅口味我哋就揀咗雙拼，因為我未試過潮州湯底，覺得幾特別終於都冇令我失望，即係好似去咗香港仔魚蛋叫四寶加紫菜咁樣嘅感覺。有大地魚濃湯嘅感覺，仲有紫菜、肉碎、豆腐等等嘅配料。
另一邊嘅蕃茄薯仔湯底材料十足，到最尾仲可以整返個番茄濃湯牛肉烏冬呢！淨係兩個湯底已經咁精彩，加埋火鍋料真係不得了！
我係餐牌見到幾特別的象拔蚌丸，半份都只不過係 $38。真係好抵食！一於唔使諗咁多叫黎試吓先，半份已經有六粒，我個人估計係手打象拔蚌丸比乒乓波細少少，但食材就好正因為每一粒丸嘅上面都會有一塊象拔蚌肉，入口結實彈牙有爆汁嘅感覺。
因為我哋人唔多叫唔到咁多碟牛肉嚟食，所以就索性終極叫一個牛魔王⋯⋯咁就可以一次過試晒所有罕有部位的牛肉。
其中我最鍾意食 招牌手切牛頸脊，都係店員姐姐極力推介我哋食，果然真係冇介紹錯！
牛頸脊肉色紅潤且脂肪分佈平均，靚牛記得滾幾秒就食得，剛剛熟入口肉質細嫩軟焾，牛肉非常香濃，成個 high tea 㗎咁樣上份量都幾多㗎！至於牛柏葉就夠爽口相當好吃。食晒所有牛肉感覺真係好滿足。
環境舒服而且食材新鮮，質素好價錢平，下次一定會約埋成班朋友再嚟食多啲！
Post
