千葉鳥

Open Now

Now Closed

今日去朋友新屋,打完麻雀梗係要耳套,所以就去咗屋苑樓下商場搵食,朋友推介一間日本餐廳,勝在好味又抵食,所以我哋一行幾人就去咗呢間餐廳食晚飯。好彩我哋早到，因為一坐低冇耐，出面已經要排隊，呢間餐廳果然好受街坊歡迎。北海道鮮帶子牛油燒即叫即燒，熱辣辣，北海道帶子大大隻，又鮮味，又彈牙，又有好感，加埋牛油汁混入帶子汁，鮮味更加突出，非常好食，一定要點三重芝士煙肉焗白蘑菇非常之香芝士味，焗到啱啱好，加上煙肉嘅香味同埋白蘑菇非常之夾，又唔會好膩，正蟹籽軍艦蟹籽粒粒晶瑩剔透，一望就知非常新鮮，紫菜好脆，蟹籽又多又有囗感，好喜歡呢道軍艦燒秋葵好鍾意食秋葵因為好爽口，而且有啲黏黏地嘅感覺，好特別全部朋友都非常滿意呢一間餐廳，價錢平，食物質素又高，大家都非常之滿意。