Video
Read full review
2022-10-31
41 views
呢間居酒屋坐落喺天水圍平民商場 t town,門口裝修好特別，除咗用日本酒瓶做裝飾，入邊仲好多燈籠🏮，好有日式風格🇯🇵🇯🇵 三文魚軟殼蟹反卷$52呢個推介大家一定要試(⁎⁍̴̛ᴗ⁍̴̛⁎)食落軟殼蟹仲係熱，而且好脆口，配埋三文魚一齊食 好夾 8寸長星海鰻壽司$38 鰻魚食落入口即溶，又有鮮味，調味啱啱好，唔會太咸，絕對值得一試！火灸三文魚壽司$22燒得好香好均勻，炙燒味好濃，又好香油脂味，食落仲暖粒粒，唔係就咁燒熟左個表面就擺上枱。必嗌！軟殼蟹凱撒沙律$90份量好大，軟殼蟹食落仲熱熱地，配埋爽口嘅生菜，忍唔住一啖接一啖，好開胃٩(˃̶͈̀௰˂̶͈́)وN2 ，N4生蠔 $22/14 兩隻生蠔都好新鮮，仲有浸海水味，食落分別不大，但N2 大隻啲，肥美啲，食落更加滿足天使蝦刺身$48食落好彈牙又有鮮味，一啲都唔腥，好新鮮(⁎⁍̴̛ᴗ⁍̴̛⁎)特大海赤蝦刺身$38呢隻刺身食落就比較爽口，結實，好鮮甜。推介和風三文魚米紙卷$45食落好開胃，三文魚切得厚薄適中 配埋青瓜一齊食 又解膩又開胃。芝士辣肉醬焗原條茄子$ 58茄子燒到好淋，好香。食落芝士同茄子都幾夾，但略略咸左少少，不過都ok 整體來講，呢間日式居酒屋雖然坐落係屋
呢間居酒屋坐落喺天水圍平民商場 t town,門口裝修好特別，除咗用日本酒瓶做裝飾，入邊仲好多燈籠🏮，好有日式風格🇯🇵🇯🇵
三文魚軟殼蟹反卷$52
呢個推介大家一定要試(⁎⁍̴̛ᴗ⁍̴̛⁎)食落軟殼蟹仲係熱，而且好脆口，配埋三文魚一齊食 好夾
8寸長星海鰻壽司$38
鰻魚食落入口即溶，又有鮮味，調味啱啱好，唔會太咸，絕對值得一試！
火灸三文魚壽司$22
燒得好香好均勻，炙燒味好濃，又好香油脂味，食落仲暖粒粒，唔係就咁燒熟左個表面就擺上枱。必嗌！
軟殼蟹凱撒沙律$90
份量好大，軟殼蟹食落仲熱熱地，配埋爽口嘅生菜，忍唔住一啖接一啖，好開胃٩(˃̶͈̀௰˂̶͈́)و
N2 ，N4生蠔 $22/14
兩隻生蠔都好新鮮，仲有浸海水味，食落分別不大，但N2 大隻啲，肥美啲，食落更加滿足
天使蝦刺身$48
食落好彈牙又有鮮味，一啲都唔腥，好新鮮(⁎⁍̴̛ᴗ⁍̴̛⁎)
特大海赤蝦刺身$38
呢隻刺身食落就比較爽口，結實，好鮮甜。推介
和風三文魚米紙卷$45
食落好開胃，三文魚切得厚薄適中 配埋青瓜一齊食 又解膩又開胃。
芝士辣肉醬焗原條茄子$ 58
茄子燒到好淋，好香。食落芝士同茄子都幾夾，但略略咸左少少，不過都ok
整體來講，呢間日式居酒屋雖然坐落係屋邨商場，但不論味道，裝修同服務都好高質，一啲都唔輸其他大型連鎖店，絕對係驚喜發現,下次一定會再encore🤤🤤
Post
