千葉鳥

Open Now

Now Closed

去完天澤玩波波池玩，玩完肚餓去食野，見到隔離個間日本野（千葉鳥）都吾錯，好似開左一段時間都未試過，就提議去試下。呢間野原來有驚喜，裝修好日本風，食物選擇又多，魚生質素吾錯，價錢又吾貴，黃金蟹膏鮮帶子好鮮甜，帶子分開兩邊中間夾左蟹膏好特別又好夾。三文魚腩壽司都好新鮮而火灸三文魚腩壽司又另一番風味，有燒過既味道但又不減三文魚既鮮味！玉子壽司係我食日本野其中一樣必食既而呢間自家製都好食。牛油果軟殻蟹手卷好脆好香口，配埋牛油果好夾！推介個銀雪魚西京燒定食，銀雪魚煎得好好好味，有特別既醬汁味道好正。好耐無食蟹子沙律，又點左黎食下，都好味成盤沙律好均勻。重有個鹽燒開邊雞中亦，燒得好香口好多肉汁。牛肉火鍋係甜甜既壽喜燒湯底，滿滿既牛肉，大滿足入面好多配菜，粉絲吸曬d汁好正。呢間野裝修好有日本風味，食物質素好，又吾算貴，真係天水圍日本野既首選。