天鳥居酒屋

Open Now

Now Closed

咁啱今日去天水圍做嘢，做完嘢緊係要食返餐好慰勞吓自己，朋友極力推介天鳥，當然信朋友，就去試試呢間日式料理。好彩我哋今日早食飯，坐咗一陣，出面已經有好多人等位，睇嚟呢一間餐廳好受歡迎，就睇吓究竟有咩魔力吸引到咁多人。一入到餐廳，位置都舒服，職員都好殷勤，打開餐牌，好多選擇，一定有嘢啱食。燒鱈魚片平時唔係好多餐廳有得點鱈魚片，又香又脆，仲熱辣辣嘅，好好味燒雞軟骨呢一串雞軟骨，非常之爽口，好有口感，加上海盬，味道更出色燒雞翼最鍾意食燒雞翼，因燒到干身，冇咁肥，減低罪惡感嘛。而且個皮燒到好脆，雞肉又滑又多汁，所以我好like蟹子軍艦蟹子粒粒好有口感，加上紫莱好脆，正火炙帶子壽司火炙帶子又香口，香得黎又保持到帶子既鮮甜，所以呢個一定要點抹茶紅豆拿破崙呢個甜品平時要喺甜品舖先有得食，估唔到呢一間日式餐廳都有得食。抹茶味好香濃，再加上紅豆，味道好夾，拿破崙亦都好脆，估唔到個甜品都幾好食。呢間餐廳喺天水圍已經出晒名，平時好多街坊幫襯，水準一流，價錢又唔貴，所以長期好多捧場客。