榆越 (Closed)

呢間榆越位於天水圍天秀站（天水圍西鐵站再搭多6-7個輕鐵站），落左車行3分鐘就到，唔算好唔方便。佢店面唔算好突出，但食完之後有臥虎藏龍同隱世美食感覺，食物質素真係好高，仲要價錢十分親民貼地，我一定會再返去encore。我今晚食左： 🔸️ 蒜蓉牛油雞翼湯金邊粉 ($66，9.2/10)可以揀清湯或者蕃茄湯，我揀左清湯。蒜蓉牛油雞翼有4隻大大隻，極滿足，好好味🤤🤤🤤🤤蒜香味濃，又炸得好香口。湯底好清，金邊粉份量都好多，最中意佢係有勁多爽口芽菜。十分推薦！😋😋 🔸️ 招牌燒牛肉法包 ($48，9.2/10)呢個超級推薦！係呢度招牌。佢係用法國麵粉低温發酵18小時，法包好香小麥味，新鮮現場烘烤超香脆！裡面有牛油，肝醬，蕃茄，青瓜，荽茜，九層塔，越式辣醬同埋秘製燒牛肉，好味！牛肉有好香好香既胡椒同孜然粉味！ ✏️總括而言，平民感覺但隱世好味越南菜！超級推薦！