千葉鳥

Open Now

Now Closed

呢日去到天水圍探親，親戚介紹左間位於天澤商場既日本餐廳， 探完親之後我同老婆去咗試， 我哋中午時間去到門口都排曬隊， 我哋大概等咗20分鐘左右就安排入座， 餐廳嘅裝修都好有日式風格。 午市套餐都幾抵， 所有午市套餐都送小食或飲品一款。軟殼蟹野菜沙律配烏冬野菜沙律和牛油果配咗日式嘅沙律汁， 沙律汁有好香嘅芝麻味， 軟殼蟹炸得好脆身， 烏冬係用咗稻庭烏冬， 食落口好爽口彈牙。吞拿魚七色丼呢個丼飯好豐富， 有三文魚，油甘魚， 甜蝦，海膽 ，吞拿魚， 香蔥吞拿魚蓉等， 比較特別係有一隻鵪鶉蛋可以撈飯， 碗飯嘅魚生大致上都夠新鮮。醬油漬牛舌拉麵牛舌做得夠入味， 肉質都夠淋， 個湯底我哋揀豬骨湯， 味道都幾香， 麵質幾爽口。