滾得棧 (Closed)

天氣一凍，就想打邊爐！滾得棧有好多火鍋配料選擇！先揀湯底，潮州湯底拼海底椰濃豬骨湯底，潮州湯底味道似潮式泡飯，有紫菜、豆腐等配料，幾特別，同手打丸類最夾。招牌手切牛頸脊（例牌）：新鮮手切，好有肉味！鱔片：非常厚身，啖啖肉，呢個鱔片好有驚喜。自製四寶丸：鯪魚、牛、蝦、墨魚丸全部新鮮手打，彈牙，放潮州湯底非常入味，連醬料都唔洗點加。象拔蚌丸（半份）：6粒象拔蚌丸，有新鮮感；至於味道，就似蝦丸同墨魚丸的混合體。皇帝菜：炸蝦餅：新鮮即炸，作為餐前小食都幾好，夠香口！蝦餅亦彈牙。