Video
Read full review
2018-09-19
1296 views
「山竹」超級颱風來的之前一晚，夜裏平靜到一個點。一覺睡到大清早，没想到一到中午，風勢雨勢十分兇猛。家中的玻璃好似就來爆裂。窗邊一直瘋狂漏水。WhatsApp group 不停傳來可怕的訊息。世界未日啦！好不容易捱過世纪天災的一天。翌日，星期一竟然連8號波都冇，死唔去就要去返工！一出口，大厦部lift竟然壞咗。行37層樓梯落樓。竟然收到老板WhatsApp話可以work at home。頂！唔早響！宜家點返上去？！唯有繼續返工。巴士冇服務，馬鐵去到大圍要同幾千幾萬人排接駁車去九龍塘。點解大災大難仲要返工？交税養班政府官來做乜？返到公司已是午飯時間了。幾個同事一於去吃間懷舊茶餐廳吃午餐。午餐同事叫干炒牛河，唔油，够香，不過落色太重手。另一個同事點鳳爪排骨飯，份量够，不過佢評價一般。我要枝竹火腩飯。今昨两天經歷天災人祸，食啖火腩飯竟有一種捱世界，揾食艱難的味道。终於明白火腩飯何解係男人的浪漫！哩間餐廳奶茶好得！嗒啖奶茶，思考下人生。今晚點放工呢？點搭車返歸？部lift未修好點行返屋企？
好不容易捱過世纪天災的一天。翌日，星期一竟然連8號波都冇，死唔去就要去返工！一出口，大厦部lift竟然壞咗。行37層樓梯落樓。竟然收到老板WhatsApp話可以work at home。頂！唔早響！宜家點返上去？！
唯有繼續返工。巴士冇服務，馬鐵去到大圍要同幾千幾萬人排接駁車去九龍塘。點解大災大難仲要返工？交税養班政府官來做乜？
返到公司已是午飯時間了。幾個同事一於去吃間懷舊茶餐廳吃午餐。
午餐同事叫干炒牛河，唔油，够香，不過落色太重手。
另一個同事點鳳爪排骨飯，份量够，不過佢評價一般。
我要枝竹火腩飯。今昨两天經歷天災人祸，食啖火腩飯竟有一種捱世界，揾食艱難的味道。终於明白火腩飯何解係男人的浪漫！
哩間餐廳奶茶好得！嗒啖奶茶，思考下人生。
今晚點放工呢？點搭車返歸？部lift未修好點行返屋企？
Post
